Pačatkovyja prodažy razumnaha hadzińnika Apple Watch byli blizkimi da prahnozaŭ i, pa čutkach, abjomaŭ vyrabu. Ale potym niešta pajšło nie tak: prodažy značna ŭpali, piša MarketWatch sa spasyłkaj na daśledavańnie Slice Intelligence.

Na starcie prodažaŭ u krasaviku Apple Watch kuplali pa 200 tysiač na dzień. Ciapier kuplajuć mienš za 10 tysiač na dzień. Spad prodažaŭ paśla startu čakaŭsia, ale nie taki vialiki.

Dźvie traciny nabytych hadzińnikaŭ — Apple Watch Sport za 349 dalaraŭ, samaja tannaja viersija hadzińnika. Załatych hadzińnikaŭ (pa 10—17 tysiač dalaraŭ za asobnik) kupili tolki 2 tysiačy. Straty dla Apple nievialikija: hadzińnikavy biznes skadaje tolki 4% ad acenki ahulnaha biznesu Apple.

«Taki spad u prodažach, kali heta praŭda, vyhladaje złaviesna, — piša Market Watch. — Apple Watch važniejšy za luby chutki prybytak».

Vydańnie nahadvaje, što razumny hadzińnik — pieršy novy typ praduktaŭ paśla śmierci zasnavalnika Apple Styva Džobsa. Da taho ž, pradukt adnosicca da nasimaj techniki, a hety rynak moža prynieści vialiki praryŭ u prodažach. Praŭda, na rynku ŭžo daŭno jość kankurenty: u pryvatnaści, Market Watch zhadvaje raspracoŭki Fitbit, amierykanskaj kampanii z centram raspracoŭki ŭ Biełarusi.

Čytajcie taksama: Pieršyja Apple Watch u Biełarusi. Uražańni ŭładalnika

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?