Rakieta-nośbit «Sajuz-U» z hruzavym karablom «Prahres M-28M» u piatnicu startavała z kasmadroma Bajkanur u Kazachstanie.

Zapusk rakiety tranślavali ŭ pramym efiry. Jon staŭ pieršym zapuskam kaśmičnaha karabla «Prahres M-28M» da Mižnarodnaj kaśmičnaj stancyi z momantu avaryi, jakaja adbyłasia ŭ kancy krasavika.

Na karabli znachodzicca amal dźvie z pałovaj tony hruzu dla MKS, u tym liku pravizija, jakuju kasmanaŭtam paśla avaryi jaho papiarednika pryjšłosia ekanomić. Akramia taho, «Prahres» viazie na MKS kisłarod, paliva i roznaje abstalavańnie.

Karabiel užo vyjšaŭ na arbitu. Jaho stykoŭka sa stancyjaj čakajecca na praciahu dvuch sutak.

Papiaredni hruzavy karabiel «Prahres» byŭ zapuščany da MKS 28 krasavika. Paśla zapusku jon pačaŭ niekantralujema krucicca i nie reahavaŭ na kamandy ź Ziamli. U vyniku 8 maja jon zhareŭ u ščylnych słajach atmaśfiery. U suviazi z avaryjaj zapuski karabloŭ časova prypynili.

U kancy červienia avaryju paciarpieŭ ŭžo amierykanski hruzavy karabiel, jaki pavinien byŭ dastavić pradukty na MKS. Rakieta Falcon 9 pryvatnaj kampanii SpaceX z hruzavoj kapsułaj Dragon raspałasia na častki nieŭzabavie paśla zapusku. U NASA paśla hetaha zajavili, što charču na MKS chapaje i hoład kasmanaŭtam nia pahražaje.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?