U Biełarusi adznačajuć hałoŭnaje dziaržaŭnaje śviata — Dzień Niezaležnaści.

Hałoŭnyja śviatočnyja padziei razhornucca siońnia ŭ Minsku na placoŭcy kala Pałaca sportu na praśpiekcie Pieramožcaŭ. Tut ad samaj ranicy buduć prachodzić spartyŭnyja pakazalnyja vystupleńni, a ŭ 13.00 pačniecca kancert.

Na terytoryi amfiteatra pierad fantanam kala Pałaca sportu projdzie tradycyjny turnir pa siłavym ekstrymie, a na zialonaj zonie budzie pracavać vystava-kirmaš «Horad majstroŭ», dzie možna budzie naviedać majstar-kłas pa narodnaj prykładnoj tvorčaści.

U Vierchnim horadzie ŭvieś dzień buduć pravodzicca mierapryjemstvy z udziełam vuličnych muzykantaŭ, teatraŭ, animataraŭ, žyvych skulptur, mastakoŭ. 

Zavieršacca śviatkavańni kala steły «Minsk — horad-hieroj».

U 22.00 tam pačniecca hała-kancert u miežach respublikanskaj akcyi «My, biełarusy — mirnyja ludzi», jakaja pravodziłasia ź lutaha. 

Śviatočny salut budzie dadzieny ŭ 23.00, paśla tradycyjnaj akcyi «Praśpiavajem himn razam».

Salutavać buduć z šaści ahniavych pazicyj: u parku Pieramohi, na pustcy ŭ rajonie pasiołka Navinki, u aeraporcie Minsk-1, na pustcy ŭ rajonie Čyžoŭskich mohiłak, na pustcy kala vadaschovišča Drazdy, u vajennym haradku Uručča. Na ŭsich pazicyjach, aprača toj, što kala steły ŭ Minsku, budzie dadziena 30 załpaŭ. A ŭ rajonie steły fiejervierk budzie bieśpierapynnym na praciahu 10 chvilin, intervał pamiž strełami moža składać 0,1 siekundy. 

Paśla salutu pačniecca druhaja častka hała-kancerta, jakaja praciahniecca da 00.30.

Śviatkavańni i masavyja hulańni siońnia buduć arhanizavanyja taksama va ŭsich haradach krainy. 

***

Rašeńnie śviatkavać Dzień Niezaležnaści 3 lipienia było pryniataje padčas respublikanskaha refierendumu 1996 hoda. Dahetul hałoŭnaje dziaržaŭnaje śviata adznačałasia 27 lipienia — jano było prymierkavanaje da daty padpisańnia Viarchoŭnym Savietam BSSR u 1990 hodzie Dekłaracyi ab suvierenitecie Biełaruskaj Savieckaj Sacyjalistyčnaj Respubliki.

Miž tym, biełaruskaja apazicyja i jaje prychilniki ličać, što adlik niezaležnaści dziaržavy varta vieści z momantu abviaščeńnia Biełaruskaj Narodnaj Respublikaj Dekłaracyi ab dziaržaŭnym suvierenitecie 25 sakavika 1918 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?