Na minułym tydni Alaksandr Łukašenka adpraviŭ u adstaŭku dziaržaŭnaha sakratara Rady biaśpieki Alaksandra Miažujeva. Infarmacyjnaje ahienctva BIEŁTA paviedamiła, što Miažujeŭ vyzvaleny z pasady «ŭ suviazi sa składanymi siamiejnymi abstavinami».

Darečy, cikava, što ŭkaza ab zvalnieńni Miažujeva dahetul niama na sajcie pravo.by, chacia, naprykład, paźniejšyja kadravyja pierastanoŭki adrazu tam byli zafiksavanyja. Nie paviedamiŭ pra adstaŭku kiraŭnika Rady biaśpieki i aficyjny sajt kiraŭnika dziaržavy.

«Naša Niva» zrabiła padborku najbolš imaviernych źmienščykaŭ Miažujeva na klučavoj pasadzie dziaržsakratara Rady biaśpieki.

Andrej Uciuryn (44 hady)

Fota kii.gov.by.

Fota kii.gov.by.

Ciažka pavieryć, što hety čałaviek znachodzicca pobač z Alaksandram Łukašenkam ažno 20 hadoŭ. Andrej Uciuryn pačynaŭ svaju pracu ŭ słužbie biaśpieki prezidenta ŭ dalokim 1995 hodzie. Ad hetaha času karjera Uciuryna ruchałasia tolki ŭvierch. Jon cełych siem hadoŭ uznačalvaŭ achovu Łukašenki, bolej za jaho na hetaj pasadzie nie ŭtrymaŭsia nichto – ni Navumaŭ, ni Jeryn, ni Žadobin, ni Niavyhłas. Letaś Uciuryn staŭ namieśnikam dziaržsakaratara Rady biaśpieki, nastupnaja prystupka bačycca absalutna łahičnaj.

Ihar Račkoŭski (47 hadoŭ)

Fota interfax.by.

Fota interfax.by.

Taksama bliskučaja karjera pamiežnika Ihara Račkoŭskaha pajšła pad adchon paśla lipienia 2012 hoda, kali šviedski samalocik na dzień respubliki biespakarana pierasiok dziaržaŭnuju miažu Biełarusi i raskidaŭ nad Minskam i Iviancom plušavych miadźviedzikaŭ z zaklikami vyzvalić palitviaźniaŭ i vykonvać pravy čałavieka. Moža, pryjšoŭ čas skončyć vysyłku Račkoŭskaha ŭ spartyŭnuju halinu i viarnuć na bolš zvykłuju pasadu ŭ siłavym viedamstvie. Račkoŭski rodam z Smarhoni, adzin ź niamnohich siłavikoŭ, jaki nie atrymlivaŭ adukacyju ŭ Rasii. U jaho vialikaja siamja, piaciora dziaciej.

Viktar Łukašenka (39 hadoŭ)

Alaksandr Łukašenka staŭ prezidentam Biełarusi jakraz u 39 hadoŭ. Zusim užo nie junacki ŭzrost. Dy i na pasadzie pamočnika pa biaśpiecy starejšy syn kiraŭnika dziaržavy vyhlada zasiedzieŭsia, čas adkryvać pierad saboj novyja dalahlady. Zrešty, mahčyma, takaja kadravaja pierastanoŭka nie nadta pazityŭna budzie ŭsprymać siarod hramadzian, a pierad prezidenckimi vybarami lišni razdražnialnik nikomu nie treba.

Valeryj Vakulčyk (50 hadoŭ)

Samy ŭpłyvovy na siońniašni dzień siłavik krainy. Łukašenka byŭ nadzvyčaj niezadavoleny pracaj u KDB Juryja Žadobina, dastavałasia Ściapanu Sucharenku i Vadzimu Zajcavu, a voś Vakulčyku – nikoli. Paŭnamoctvy ŭ Radzie biaśpieki ŭ Vakulčyka mohuć być jašče šyrejšymi, čym u KDB. Bo faktyčna dziaržsakratar Rady biaśpieki atrymlivaje paŭnamoctvy kantralavać usie siłavyja struktury krainy.

Ihar Šunievič (48 hadoŭ)

Fota kp.by.

Fota kp.by.

Kadebist, jaki ŭznačaliŭ Ministerstva ŭnutranych spravaŭ, praz heta ŭ milicyi ličać Šunieviča nie da kanca svaim. Varta adznačyć, što apošnim časam Łukašenka admoviŭsia ad praktyki pryznačeńnia na klučavyja pasady siłavikoŭ nie ŭradžencaŭ Biełarusi, Šunievič adzin z apošnich takich. Na apošni parad 9 Maja ministr unutranych spravaŭ pryjšoŭ u formie kamisara raboča-sialanskaj milicyi NKVD.

Uładzimir Makiej (56 hadoŭ)

Fota Siarhieja Hudzilina

Fota Siarhieja Hudzilina

Dumajecie, niejmavierny varyjant: ź ministra zamiežnych spravaŭ u dziaržsakratary Rady biaśpieki? Dy nie, byvała ŭžo takoje. U 2000-m Radu biaśpieki jakraz uznačaliŭ były kiraŭnik MZS Urał Łatypaŭ. Makiej maje minułaje, jakoje ciesna źviazanaje ź siłavymi strukturami, a mienavita — raźviedkaj. Makiej znachodzicca ŭ śpisie tych čynoŭnikaŭ ź jakimi najčaściej kamunikuje Łukašenka. Chaj taki varyjant vyhladaje jak małaimavierny, ale skidvać jaho z rachunkaŭ nie varta.

Vasil Alaksiejenka (58 hadoŭ)

Apošnim časam Alaksandr Łukašenka niaredka čerpaje kadry z pałaty pradstaŭnikaŭ. Tam sama jon, naprykład, znajšoŭ Alaksandra Miažujeva. Kali pryhledziecca da siońniašniaha składu parłamienta, to patencyjna Radu biaśpieki moh by ŭznačalić Vasil Alaksiejenka. Usia jahonaja prafiesijnaja karjera była źviazanaja z unutranymi vojskami. Ciapier Alaksiejenka čas ad času pałochaje vybarcaŭ uzmacnieńniem błoka NATA, a taksama zaścierahaje ad pierapisvańnia historyi.

Adznačym jašče siarod imaviernych kandydatur pieršaha namieśnika ministra abarony, načalnika hienieralnaha štaba Aleha Biełakonieva, kamandzira ŭnutranych vojskaŭ Juryja Karajeva, a taksama kiraŭnika Apieratyŭna-analityčnaha centra Siarhieja Špiehuna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?