Dyrektarka minskaj Centralnaj kniharni paviedamiła Svabodzie, što antyŭkrainskuju litaraturu viarnuli vydaŭcam. Pryčyna — u Biełarusi jana nie karystajecca popytam.

Dyrektarka kniharni raspaviała, što časam knihi jany zamaŭlajuć sami, čaściakom vydaviectvy dasyłajuć svaje navinki. A tam paznačana tolki nazva, samu knihu pradaŭcy bačać užo ŭ kramie:

«Tak było i ź litaraturaj pa ŭkrainskaj tematycy. Jana pryjšła da nas, pastajała na palicy, i my jaje viarnuli — hetaja tematyka nie karystajecca popytam.

Što da Eduarda Limonava, to zvyčajna jahonyja knihi karystalisia popytam. A voś «Kijev kaput. Jarostnaja kniha» nie pajšła, i my jaje viarnuli. Čaściakom aŭtary sprabujuć na hučnych nazvach zarablać hrošy. Sama kniha pustaja, a nazva intryhuje. Ale kniha nie karystałasia popytam u biełaruskich čytačoŭ.

Darečy, što da knih, fota jakich źjavilisia ŭ internecie. Jany stajali ŭ vielmi dalokim kucie. Čałaviek ich vystaviŭ, skłaŭ u stos i sfatahrafavaŭ, pradstaviŭšy, što my prapahandujem takuju litaraturu.

Ja chaču zapeŭnić jašče raz: my nie prapahandujem takija knihi. I ŭžo viarnuli ich vydaŭcam».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?