Na terytoryi aeraporta «Minsk-1» u centry biełaruskaj stalicy ŭ čaćvier byŭ znojdzieny łoś. Pra heta paviedamili ŭ MNS.

Infarmacyja pra vyjaŭleńnie dzikaj žyvioły pastupiła ŭčora ŭ 17:14. «Sumiesna z pradstaŭnikami pradpryjemstva «Minskaja lesaparkavaja haspadarka» prymalisia miery dla zahonu žyvioły», - prainfarmavali ŭ staličnym upraŭleńni MNS.

Miž tym, u Minskim haradskim kamitecie pryrodnych resursaŭ i achovy navakolnaha asiarodździa adznačajuć, što dzikija žyvioły apošnim časam naviedvajuć stalicu nie časta. Da prykładu, łasi robiać vizity ŭ siarednim 3-5 razoŭ u hod, u toj čas jak niekalki dziesiacihodździaŭ tamu štohod fiksavałasia da 15-20 takich faktaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0