Pavodle paviedamleńnia Biełaha doma, prezident Rasii Uładzimir Pucin patelefanavaŭ u čaćvier prezidentu ZŠA Baraku Abamu dla abmierkavańnia situacyi na ŭschodzie Ukrainy i baraćby z radykalnaj hrupoŭkaj «Isłamskaja dziaržava». Heta byŭ pieršy pramy kantakt dvuch prezidentaŭ ź lutaha.

Pavodle zajavy amierykanskaj administracyi, prezident Rasii pačaŭ razmovu z abmierkavańnia prablem niejtralizacyi bajevikoŭ IDIŁ ŭ Siryi, prezident ZŠA Barak Abama padkreśliŭ u čas razmovy z prezidentam Rasiei, što ad Maskvy čakajuć vykanańnia ŭziatych joju na siabie abaviazacielstvaŭ u ramkach Minskich damoŭlenaściej. Siarod ich — vyvad rasijskich vojskaŭ, ŭzbrajeńniaŭ i vajennaj techniki z terytoryi Ukrainy.

Prezidenty damovilisia pra toje, što dziaržsakratar ZŠA i ministr zamiežnych spraŭ Rasii praviaduć sustreču, na jakoj buduć abmiarkoŭvacca zachady baraćby z radykalnymi hrupami na Blizkim Uschodzie. Barak Abama i Uładzimir Pucin damovilisia ab nieabchodnaści padtrymlivać adzinstva siarod šaściorki krain, jakija viaduć pieramovy adnosna budučyni iranskaj jadziernaj prahramy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?