Jeŭrapiejski sajuz paćvierdziŭ, što źviartajecca da ŭkrainskaha boku z prapanovaj dać Danbasu asablivy status, nie čakajučy, pakul bajeviki i RF vykanajuć pieršyja punkty minskich damoŭlenaściej.

Reuters

Reuters

Pra heta havorycca ŭ kamientary ES da artykuła ab novaj pazicyi ES adnosna minskaha ŭrehulavańnia. Tekst kamientara, padrychtavanaha Brusielem, dasłała ŭ redakcyju «Jeŭrapiejskaj praŭdy» pradstaŭnictva ES va Ukrainie.

U ES nastojvajuć, što majuć prava dla zvarotaŭ u adras Ukrainy adnosna chutčejšaha pradastaŭleńnia Danbasu asablivaha statusu.

«Artykuł 11 Kompleksu mier adznačaje zhodu na praviadzieńnie da kanca 2015 kanstytucyjnaj reformy va Ukrainie, jakaja pavinna ŭklučać pryniaćcie pastajannaha zakanadaŭstva adnosna asablivaha statusu asobnych rajonaŭ Danieckaj i Łuhanskaj abłaściej», — havorycca ŭ kamientary ES.

Raniej ŚMI paviedamili, što Jeŭrapiejski sajuz pierakonvaje aficyjny Kijeŭ vykanać «poźnija» punkty Minskich damoŭlenaściej, u pryvatnaści adnosna pradastaŭleńnia śpiecstatusa Danbasu.

Pry hetym u ES nastojvajuć, što heta treba zrabić, nie čakajučy, pakul Rasija i padkantrolnyja joj bajeviki vykanajuć svaju častku pahadnieńniaŭ.

Takoje mierkavańnie vykazaŭ u čas vizitu ŭ Kijeŭ jeŭrakamisar pa pytańniach pašyreńnia i palityki susiedstva Iahanes Han ŭ ramkach sustrečy z deputatami Viarchoŭnaj Rady i prezidentam Ukrainy Piatrom Parašenkam.

Hetuju infarmacyju taksama paćvierdziła namieśnica kiraŭnika parłamienckaha kamiteta pa zamiežnych spravach Ivana Klimpuš-Cyncadze.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?