Batura choča zrabić abaviazkovym vyviešvańnie dziaržaŭnaha ściaha na pryvatnych damach
Ciabra stałaj kamisii Savietu Respubliki pa ekanomicy, biudžecie i finansach Barys Batura prapanavaŭ zrabić abaviazkovym vyviešvańnie dziaržaŭnaha ściaha na pryvatnym domaŭładańni ŭ dni dziaržaŭnych śviataŭ.
Pra heta jon zajaviŭ padčas abmierkavańnia papravak u zakon «Ab dziaržaŭnych symbalach Respubliki Biełaruś».
Namieśnica ministra justycyi Ała Bodak skazała, što ŭsio treba rabić pastupova, bo «lubaja abaviazkovaja norma ciahnie za saboj peŭny prymus i, viadoma, sankcyi za jaje nievykanańnie».
Jana adznačyła, što takoha abaviazku nie praduhledžvaje nia tolki biełaruskaje zakanadaŭstva, ale i zakony inšych krain — udzielnic EAES.
A staršynia Savietu Respubliki Michaił Miaśnikovič, jaki prysutničaŭ na pasiadžeńni, skazaŭ, što nieabchodna padtrymlivać žadańnie hramadzian vyviešvać dziaržaŭny ściah na pryvatnych domaŭładańniach u śviaty.
Pavodle papravak u zakon, ściah inšaj krainy ŭ Biełarusi nia moža ŭstaloŭvacca vyšej za biełaruski dziaržaŭny ściah. U toj ža čas zakon daje prava vyviešvać biełaruski ściah na pryvatnym domie nia tolki na dziaržaŭnyja, ale i na siamiejnyja śviaty, paviedamlaje BIEŁTA.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?10
Kamientary