Muzyka

Častka vyručki za kancert Rise Against u Minsku pojdzie na budaŭnictva dziciačaha chośpisa

Z 23 červienia z kožnaha pradadzienaha bileta na kancert amierykanskaha pank-hurtu Rise Against 50 tysiač rubloŭ budzie pieraličvacca na budaŭnictva ŭ Minskim rajonie novaha dziciačaha chośpisa. 

Kancert Rise Against projdzie 1 lipienia ŭ kłubie Re:public. Jak adznačajuć arhanizatary kancerta, čykahskija muzykanty stali viadomyja ŭ śviecie dziakujučy svaim sacyjalnym manifiestam i ŭvazie da prablem niaroŭnaści ŭ hramadstvie, biednaści, ekałahičnaha stanovišča na płaniecie. «Mienavita tamu, daviedaŭšysia pra toje, što na budaŭnictva novaha budynka dla nievylečna chvorych dziaciej u Biełarusi hrošy źbirajuć usiej hramadoju, Rise Against nie mahli zastacca ŭbaku», — havorycca ŭ paviedamleńni. 

«Ja ščyra liču, što takija ŭčynki treba rabić ananimna i biez pryciahnieńnia ŭvahi presy. Spačatku my nie chacieli afišavać hety akt dobraj voli. Daŭno pracujem z chośpisam i dapamahajem čym možam. Kali daviedalisia, kolki srodkaŭ jašče nieabchodna chośpisu dla zaviaršeńnia budaŭničych rabot, patelefanavali chłopcam z Rise Against uzhadnić hetu akcyju. Jany z radaściu pahadzilisia i paprasili nas raskazać pra heta, — rastłumačyŭ kiraŭnik kancertnaha ahienctva «Atam intertejmient» Andrej Alaksiejeŭ. 

Jak raniej paviedamlaŭ, budaŭnictva novaha dziciačaha chośpisu ŭ pasiołku Vopytny Minskaha rajona pačałosia ŭ 2014 hodzie. U im płanujecca stvaryć stacyjanar na 10 miescaŭ — piać łožkaŭ dla pacyjentaŭ z ankałahičnymi zachvorvańniami i piać — dla dziaciej, baćki jakich skarystalisia pasłuhaj sacyjalnaj pieradyški, a taksama dziciačy reabilitacyjny centr, vučebny centr dla miedycynskich rabotnikaŭ, haścinicu dla baćkoŭ i kaplicu. 

Ahulny košt prajekta — 2,6 młn. dołaraŭ. Da kanca minułaha hoda było sabrana prykładna pałova nieabchodnych srodkaŭ. 

Budaŭnictva prachodzić u dva etapy. Na pieršym etapie, košt jakoha 1,5 młn. dołaraŭ, płanujecca pabudavać sam budynak i stvaryć reabilitacyjny centr i stacyjanar, na druhim — administracyjny błok i vučebny centr.

Kamientary

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Usie naviny →
Usie naviny

Śviatłana Cichanoŭskaja sustrełasia ź Viktaram Orbanam20

Nie rabicie hetuju pamyłku ŭ zachoŭvańni chleba4

Nazirajecca maštabny zboj elektroniki pa ŭsim śviecie. Aeraporty admianiajuć paloty12

Kałabaranty z Zaparožskaj vobłaści vydajuć sustreču z pramaskoŭskim biełaruskim aktyvistam Łuščom za aficyjny vizit1

Za dva z pałovaj hady na miažy Biełarusi i ES zahinuli 126 mihrantaŭ2

Chutka sud nad mužčynam z «terarystyčnaha śpisu». Vierahodna, sprava tyčycca kamientaroŭ, ale jamu pahražaje da 12 hadoŭ

Ihar Słučak napisaŭ rezki kamientar pra ruskamoŭnych biełarusaŭ. Nie vytrymaŭ navat Paźniak114

Tramp aficyjna pryniaŭ naminacyju kandydata ŭ prezidenty ad Respublikanskaj partyi

Ajcišnika z A1 buduć sudzić za danaty. Jamu pahražaje da 10 hadoŭ kałonii

bolš čytanych navin
bolš łajkanych navin

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł16

Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł

Hałoŭnaje
Usie naviny →