U Nacyjanalnym aeraporcie Minsk adkryŭsia punkt mižnarodnaha paštovaha abmienu
RUP «Biełpošta» i mytnaja słužba Biełarusi adkryli na terytoryi Nacyjanalnaha aeraporta Minsk dadatkovy punkt mižnarodnaha paštovaha abmienu, paviedamlaje pres-słužba Dziaržaŭnaha mytnaha kamiteta.
Adkryćcio novaha punkta dazvolić sartavać paštovyja adpraŭleńni, jakija prybyvajuć u Biełaruś mižnarodnymi pavietranymi šlachami, a taksama ŭsie nieabchodnyja mytnyja pracedury prama ŭ aeraporcie biez adpraŭki na inšyja punkty mižnarodnaha paštovaha abmienu.
Jak adznačyli ŭ DMK, punkt užo pačaŭ funkcyjanavać i «paśladoŭna razhortvać mahutnaści pa ažyćciaŭleńni mytnych apieracyj u dačynieńni da paštovych adpraŭleńniaŭ». Z 15 pa 21 červienia 2015 hoda ŭ im było apracavana 6,5 tys. adpraŭleńniaŭ.
Ciapier pavietranym šlacham u Biełaruś dastaŭlajecca prykładna 80—90% mižnarodnych paštovych adpraŭleńniaŭ, ci pryblizna 40% ad ich vahi.
Najbližejšym časam u aeraporcie płanujecca arhanizavać apracoŭku ŭvachodnaj mižnarodnaj piśmovaj karespandencyi z usich krain, za vyklučeńniem Kitaja, Sinhapura i Hankonha, ci 27% ad ahulnaha abjomu piśmovaj karespandencyi, što pastupaje avijatranspartam.
Pa miery ŭkamplektavańnia štata i nazapašvańnia prafiesijnaha vopytu miarkujecca pastupovaje pavieličeńnie kolkaści apracavanych paštovych adpraŭleńniaŭ i pierachod da kanca 2015 hoda na kruhłasutačny režym pracy punkta, adznačyli ŭ DMK.
Miarkujecca, što viasnoj 2016 hoda, paśla ŭvodu dadatkovych vytvorčych mahutnaściej, u aeraporcie budzie apracoŭvacca ŭsia karespandencyja, jakaja dastaŭlajecca ŭ Biełaruś avijatranspartam.
Kamientary