Hramadstva2020

Kaŭčeh z moščami kniazia Uładzimira 27 červienia prybudzie ŭ Minsk

Kaŭčeh z moščami śviatoha roŭnaapostalnaha kniazia Uładzimira 27 červienia budzie pryniesieny ŭ hałoŭny pravasłaŭny chram biełaruskaj stalicy — Śviata-Duchaŭ kafiedralny sabor na płoščy Svabody, paviedamiŭ 23 červienia na pres-kanfierencyi ŭ Minsku mitrapalit Minski i Zasłaŭski Pavieł, patryjaršy ekzarch usiaje Biełarusi.

pravoslavie.ru

U stalicy pravasłaŭnaja śviatynia budzie znachodzicca da 1 lipienia. Pavodle słoŭ ijerarcha, aprača Minska kaŭčehu z moščami kniazia Uładzimira vierniki zmohuć pakłanicca ŭ Breście, Hrodnie, Mahilovie i Viciebsku, paviedamlaje BiełaPAN.

Pavodle źviestak aficyjnaha partała Biełaruskaha ekzarchata Ruskaj pravasłaŭnaj carkvy, śviatynia była dastaŭlenaja ŭ Biełaruś z Rasii 20 červienia, kali ŭ Minsk ź vizitam prybyŭ patryjarch Maskoŭski i ŭsiaje Rusi Kirył.

Da 24 červienia kaŭčeh z moščami śviatoha kniazia Uładzimira budzie znachodzicca ŭ Breście, 24—27 červienia — u Hrodnie. Z 1 pa 4 lipienia śviatynia budzie ŭ Mahilovie, a 4—7 lipienia joj možna budzie pakłanicca ŭ Viciebsku. Adtul kaŭčeh z moščami adpravicca ŭ Smalensk i dalej praciahnie padarožža pa haradach Rasii.

U historyi našaj krainy kniaź Uładzimir, viadomy jak chryściciel Rusi, adznačyŭsia pachodam na Połack, u vyniku jakoha raźbiŭ vojska kniazia Rahvałoda, zabiŭ jaho samoha razam ź siamjoj, a jaho dačku Rahniedu hvałtam zrabiŭ svajoj žonkaj. Da chryščeńnia byŭ viadomy jak «vialiki raspusta», mieŭ niekalki socień nałožnic. Akramia hetaha, byŭ u niekalkich aficyjnych jazyčnickich šlubach i prynamsi dvuch chryścijanskich. 

Zhodna ź letapisami, 15 lipienia 1015 hoda jon pamior u kniažackaj rezidencyi ŭ Bierastavie (Kijeŭ). Byŭ pachavany ŭ marmurovym sarkafahu pad zvodami Dziesiacinnaj carkvy (carkva Uśpieńnia Praśviatoj Baharodzicy) u Kijevie. U dalejšym chram byŭ razburany, a miesca spačynu kniazia doŭhi čas było pad ruinami. U 1635 hodzie mitrapalit Kijeŭski i Halicki Piotr (Mahiła) zahadaŭ razabrać ruiny i dastać astanki kniazia. Častku moščaŭ Uładzimira pieradali ŭ Maskoŭskaje kniastva, dzie jany znachodzilisia va Uśpienskim sabory Kramla. Da niadaŭniaha času śviatynia zachoŭvałasia ŭ fondach Kramloŭskich muziejaŭ, a ŭ 2010 hodzie moščy ŭ kaŭčehu byli pieradadzienyja Ruskaj pravasłaŭnaj carkvie i raźmieščanyja ŭ maskoŭskim kafiedralnym sabornym chramie Chrysta Zbaviciela.

Kamientary20

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom4

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

Pres-sakratar polskaha MZS pra adnosiny ź Biełaruśsiu: Čakajem pieršaha realnaha kroku ź biełaruskaha boku8

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →