Navuka i technałohii

Astranomy znajšli zašmat «zornych pustelniaŭ»

Tolki 1% masy takich zvyšciomnych hałaktyk bačny. Jak jany isnujuć — zahadka.

Źleva naprava: zvyčajnaja hałaktyka (Andramieda), karlikavaja hałaktyka i «zornaja pustelnia». Vyjava: B. Schoening, V. Harvey/REU program/NOAO/AURA/NSF, P. van Dokkum/Hubble Space Telescope

Hrupa navukoŭcaŭ ź Dziaržaŭnaha univiersiteta Ńju-Jorka (ZŠA) i Nacyjanalnaj astranamičnaj absiervatoryi Japonii znajšła 854 zvyšciomnych hałaktyki i jašče niekalki socień kandydataŭ u takija, raspaviadaje Phys.org sa spasyłkaj na preprynt raboty, što maje być apublikavanaj u Astrophysical Journal Letters.

Nie tak daŭno było znojdziena 47 «zvyšciomnych» hałaktyk — pa pamierach u sotniu raz bolšych za narmalnyja hałaktyki anałahičnaj masy. Ich isnavańnie nie ŭpisvajecca ŭ sučasnyja teoryi. Z adkryćciom jašče tysiačy takich ža hałaktyk zahadak stała tolki bolš.

U 2014 hodzie hrupa navukoŭcaŭ pad kiraŭnictvam Pitara van Dokuma z dapamohaj teleskopa DTA znajšła amal paŭsotni niezvyčajnych hałaktyk u skopiščy Vałasoŭ Vieroniki (jano ž skopišča Koma).

Hetyja hałaktyki majuć stolki ž zorak, kolki majuć zvyčajnyja karlikavyja hałaktyki, ale ich płošča ŭ sotniu raz bolšaja. Adpaviedna, śviacimaść «zornych pustelniaŭ» u sotniu raz mienšaja za takuju ŭ zvyčajnych eliptyčnych hałaktyk blizkich pamieraŭ. Jak takija hałaktyki mahli ŭtvarycca, a tym bolš zachavacca, sučasnyja teoryi nie mohuć rastłumačyć.

Z dapamohaj teleskopa «Subaru», što maje bolš vysokaje za DTA razroźnieńnie, japonska-amierykanskaja hrupa znajšła značna bolš zvyšciomnych hałaktyk. Da taho ž vyjaviłasia, što zvyšciomnyja hałaktyki ŭtrymlivajuć staryja zornyja papulacyi i majuć prastoravuju strukturu, padobnuju da bolš jaskravych hałaktyk svajho skopišča. Heta značyć, što takija ŭtvareńni majuć być davoli tryvałymi.

U «zornych pustelniach» tolki 1% masy prychodzicca na bačnuju masu, jak pakazali nazirańni. Astatniaje, mierkavana, ciomnaja materyja. Ale takaja kancentracyja ciomnaj materyi nietypovaja dla Suśvietu — zvyčajna ciomnaj masy tolki ŭ piać raz bolš za bačnuju masu.

Niejkim čynam zvyšciomnyja hałaktyki zhubili haz, patrebny dla ŭtvareńnia novych zorak padčas nieviadomaha pracesu miljardy hod tamu. Praź ich kolkaść u skopiščy možna mierkavać, što praces nie byŭ vypadkovym i što asiarodździe skopišča vykanała značnuju rolu ŭ toj stracie hazu. Na praces mahli paŭpłyvać susiednija hałaktyki albo vybuchi zvyšnovych.

Dalejšyja daśledavańni «zornych pustelniaŭ» i ciomnaj masy ŭ viadomych hałaktykach mohuć radykalna źmianić siońniašnija ŭjaŭleńni pra praces utvareńnia hałaktyk. Ale takija daśledavańni składanyja praź nizkuju jaskravaść zvyšciomnych hałaktyk. Navukoŭcy spadziajucca atrymać bolš infarmacyi praz Tryccacimietrovy teleskop (TMT), što siońnia budujecca na Havajach i maje być zapuščany kala 2024 hoda.

Kamientary

Minsk znoŭ pajšoŭ pad vadu FOTY

Minsk znoŭ pajšoŭ pad vadu FOTY

Usie naviny →
Usie naviny

Hihanckaja bliskavica ŭdaryła ŭ šmatpaviarchovy dom u Baranavičach VIDEA1

Siońnia apošni dzień pryjomu dakumientaŭ u VNU na biudžet. Budzie horača ŭ pramym i pieranosnych sensach

U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj57

Taksistaŭ užo pačali štrafavać za vykarystańnie mašyn u asabistych metach — pa dziŭnym artykule4

Bajden nazvaŭ adzinuju ŭmovu, pry jakoj admovicca ad prezidenctva10

Adnaho z najlepšych biełaruskich trenieraŭ pa nastolnym tenisie sudziać za «sadziejničańnie ekstremisckaj dziejnaści»2

Pajšoŭ z žyćcia biełaruski vynachodnik Alaksandr Dłatoŭski

Pahladzicie, jak prykolna vyhladaje biełaruski pašpart pad ultrafijaletam13

Hety karlikavy kot z saramlivym vyhladam staŭ novaj zorkaj sacsietak6

bolš čytanych navin
bolš łajkanych navin

Minsk znoŭ pajšoŭ pad vadu FOTY

Minsk znoŭ pajšoŭ pad vadu FOTY

Hałoŭnaje
Usie naviny →