Da lipienia 2008 hoda ŭ Minsku płanujecca likvidavać usie niezakonna stvoranyja kampjuternyja sietki ŭ žyłych damach. Pra heta ŭ intervju BiełaPAN paviedamiŭ hałoŭny inžynier UP «Minskija televizijnyja infarmacyjnyja sietki» (MTIS) Uładzimir Brataus.

Zhodna z kompleksnym płanam, da 1 krasavika 2008 hoda rabočyja hrupy pavinny vyjavić imiony i adrasy administrataraŭ chatnich kampjuternych sietak, da 1 maja — abstalavańnie: maršrutyzatary, kamutatary i h.d. Administrataram sietak buduć vydavacca pradpisańni na dobraachvotny demantaž hetaha abstalavańnia. Adnak rabočaja hrupa maje prava dać ukazańnie elektrykam ŽEU abrezać pravady, a taksama składać administracyjnyja pratakoły i pieradavać ich u rajonnyja kamisii, zaznačyŭ U.Brataus.

Jak paviedamili BiełaPAN u Ministerstvie suviazi i infarmatyzacyi, «na prajektavańnie, budaŭnictva, ekspłuatacyju i techničnaje absłuhoŭvańnie sietak i zbudavańniaŭ suviazi licenzija Minsuviazi nie patrabujecca». «Ministerstva ažyćciaŭlaje kantrol za ŭsimi sietkami elektrasuviazi, jakija majuć vychad na sietku ahulnaha karystańnia. U cełym kantrol metavaha karystańnia technałahičnych pamiaškańniaŭ i niš dla inžyniernych sietak žyłych damoŭ pavinien ažyćciaŭlacca najpierš z boku ŭłaśnikaŭ budynkaŭ», — havorycca ŭ adkazie Minsuviazi na zapyt BiełaPAN.

BiełaPAN

Клас
0
Панылы сорам
0
Ха-ха
0
Ого
0
Сумна
0
Абуральна
0