Niebiaśpiečny virus MERS atakavaŭ nasielnictva Paŭdniovaj Karei
Suśvietnaja arhanizacyja achovy zdaroŭja nakiravała ŭ krainu hrupu chutkaha reahavańnia dla praduchileńnia epidemii.
Uspyška Bližnieŭschodniaha reśpiratornaha sindromu (MERS) u Paŭdniovaj Karei moža pieraraści ŭ maštabnuju epidemiju, piša USA Today sa spasyłkaj na Suśvietnuju arhanizacyju achovy zdaroŭja.
Vakcyny ad virusu MERS na siońnia niama. Pakul virus niedastatkova daśledavany, nieviadomaja navat dakładnaja krynica jaho pachodžańnia.
Padobna, što jon pieradajecca pavietrana-kropielnym šlacham. Mahčyma, ad čałavieka da čałavieka.
Kala 1300 čałaviek u Karei źmieščanyja ŭ karancin, zakrytyja dźvie sotni škoł u staličnaj pravincyi Kionhido, pieradaje Al-Jazeera. Ad virusu ŭžo pamierli dva čałavieki, ahułam zafiksavanyja 30 zaražeńniaŭ.
Pieršaja achviara ŭ Karei zachvareła paśla vandroŭki pa čatyroch arabskich krainach, dzie virus pačaŭ raspaŭsiudžvacca z 2012 hoda. Z taho času ahułam pa śviecie MERS zabiŭ 431 čałavieka (śmiarotnaść ad jaho — kala 27% ahułam, ale dla ludziej za 60 hod — 76%), ale nie pieraros u maštabnuju epidemiju.
Pakul virus nie muciravaŭ u Karei, ale nielha vyklučać mahčymaści jaho mutacyi. MERS nie ličyŭsia asabliva niebiaśpiečnym, bo pavolna raspaŭsiudžvaŭsia ŭ niahusta nasielenych rehijonach. Niebiaśpieka pandemii ciapier vyrasła: ščylnaść nasielnictva pravincyi Kionhido — zvyš 1000 čałaviek na kvadratny kiłamietr.
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju26
Kamientary