Upraŭleńnie Raśsielhasnahladu pa Branskaj i Smalenskaj abłaściach vyjaviła salmaniełu ŭ achałodžanym miasie jałavičyny, jakaja pastupiła ŭ Rasiju z AAT «Aleksandryjskaje» Škłoŭskaha rajona. 

«Praviedzienyja refierentnym centram Raśsielhasnahladu FDBU «Branskaja mižabłasnaja vieterynarnaja łabaratoryja» daśledavańni pakazali, što ŭ partyi achałodžanaha miasa jałavičyny, pastaŭlenaj ź Biełarusi, vyjaŭleny salmanieły S.Enteritidis», — paviedamlajecca 27 maja na sajcie ŭpraŭleńnia. 

Pavodle danych rasijskaha kantralujučaha viedamstva, niebiaśpiečnaja pradukcyja pastupiła ŭ smalenskaje TAA «Biełmitsnab» z pradpryjemstva mahiloŭskaha AAT «Aleksandryjskaje». 

Jak udakładnili BiełaPAN u pres-słužbie ŭpraŭleńnia, 18 ton 459 kh miasa na «Biełmitsnab» pastaŭlała inšaja biełaruskaja firma, adnak vypracavana miasa było mienavita na «Aleksandryjskim». U pres-słužbie adznačyli, što dalejšy los miasa, mabyć, buduć vyrašać subjekty haspadarańnia, ale ŭ realizacyju jano pastaŭlena nie budzie. 

Va ŭpraŭleńni Raśsielhasnahladu pa Branskaj i Smalenskaj abłaściach taksama paviedamili, što 18—19 maja palicyjaj było zatrymana 20 ton zamarožanaha miasa ptuški vytvorčaści mahiloŭskaha AAT «Aleksandryjskaje». Śpiecyjalisty viedamstva vyśvietlili, što pradukcyja pieravoziłasia ŭ antysanitarnych umovach, z parušeńniem tempieraturnaha režymu, ustanoŭlenaha dla hetaha vidu hruzaŭ. Zatrymany hruz byŭ viernuty ŭ Biełaruś. 

Atrymać kamientary kiraŭnictva AAT «Aleksandryjskaje» nakont pretenzij Raśsielhasnahladu pakul nie ŭdałosia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?