Jość čatyry vadzicieli, jakija mahli kiravać zienitnym rakietnym kompleksam.
Stali viadomyja maršruty, napramki i mierkavany ekipaž rasijskaha «Buka», jaki źbiŭ ŭ 2014 h. Boeing 777 pablizu Daniecka. Pra heta havorycca ŭ rasśledavańni Bellingcat.
Tak, u im havorycca pra ŭdzieł 2-ha rasijskaha aŭtamabilnaha bataljona 69-j bryhady ŭ transparciroŭcy vajskovaha abstalavańnia, u tym liku i «Buka», ź jakoha byŭ źbity pasažyrski samalot, u niekalki rajonaŭ, jakija raźmieščany ŭzdoŭž miažy Ukrainy i Rasii.
147-y aŭtamabilny bataljon, jaki mieścicca ŭ Maskvie, udzielničaŭ u transparciroŭcy «Buka» ŭ Mileravie, niedaloka ad miažy z Ukrainaj i transparciroŭki inšych vajskovych transpartnych srodkaŭ u pamiežnuju zonu kala Daniecka. U rasśledavańni havorycca pra toje, što jość čatyry mahčymyja kiroŭcy, jakija, imavierna, pieravozili «Buk».
Ich vyličyli pa fatahrafijach, jakija jany raźmiaścili ŭ sacyjalnych sietkach. Mužčyny sfatahrafavalisia pobač z pryčepam XP 4679 50 i hruzavikom 4267 AH 50.
Bellingcat ukazvaje imiony dvuch ź ich — Dźmitryja i Uładzimira P.
23-25 červienia 2014 hoda kanvoj «Buka» adpraviŭsia na vajskovuju avijabazu ŭ Mileravie, a adtul rakietnyja puskavyja ŭstanoŭki byli pieramieščanyja ŭ niekalki miescaŭ uzdoŭž miažy. «Buk», ź jakoha źbili samalot, transpartavaŭsia pa šašy M4 u Danieck. Ukrainskuju miažu jon pierasiok ŭ noč z 16 na 17 lipienia.
Paśla avijakatastrofy zienitny kompleks znoŭ pierasiok miažu ŭ tym ža miescy ranicaj 18 lipienia 2014 hoda. 19-21 lipienia 2014 h. adpraviŭsia ŭ vajskovy łahier na paŭnočnym zachadzie ad Kamiensk-Šachcinski, a adtul rakietnaja puskavaja ŭstanoŭka znoŭ była pieramieščanaja.
«Plavać ja chacieŭ na hety Zachad». Hałasavańnie Łukašenki pačałosia z dvuch prakołaŭ. A voś jakija zajavy jon zrabiŭ24
Kamientary