29 krasavika kamitet pa pracy, zaniataści i sacyjalnaj abaronie Minharvykankama pravodzić u stalicy ahulnaharadski kirmaš vakansij «Znajdzi svaju pracu. Vybar jość zaŭsiody», paviedamili ŭ pres-słužbie Minharvykankama.
Kirmaš adbudziecca z 10.00 da 13.00 u kulturna-spartyŭnym centry UP «Minskaje adździaleńnie Biełaruskaj čyhunki» (Pałacy čyhunačnikaŭ, vuł. Čkałava, 7).
«Mierapryjemstva nakiravanaje na sadziejańnie hramadzianam u pošuku pracy i ŭkamplektavańni kadrami pradpryjemstvaŭ stalicy», — zaznačyli ŭ pres-słužbie.
U kirmašy voźmuć udzieł kala 70 arhanizacyj roznych śfier dziejnaści, a taksama navučalnyja ŭstanovy, jakija dapamohuć vučniam škoł vyznačycca ŭ vybary budučaj prafiesii.
Kolkaść zajaŭlenych najmalnikami vakansij skłała 3,3 tys., ź ich 79% — dla rabočych. U halinovym razrezie pieravažajuć vakansii arhanizacyi achovy zdaroŭja i akazańnia sacyjalnych pasłuh, pramysłovaści, budaŭnictva. Siaredni ŭzrovień apłaty pa zajaŭlenych vakansijach składaje 4,7 młn. rubloŭ, ci 55% ad siaredniaj zarabotnaj płaty ŭ lutym 2015 hoda (8,6 młn. rubloŭ).
U miežach mierapryjemstva hramadzianie zmohuć atrymać kansultacyi pa pytańniach zakanadaŭstva ŭ śfiery zaniataści nasielnictva, navučańnia biespracoŭnych, prajści ekspres-dyjahnostyku prafiesijnych zdolnaściaŭ, aznajomicca z technałohijami pošuku pracy.
Z udziełam pradstaŭnikoŭ arhanizacyj, kiraŭnictva kamiteta pa pracy, zaniataści i sacyjalnaj abaronie Minharvykankama projdzie kruhły stoł «Uzajemadziejańnie i partniorstva — šlach padtrymańnia sacyjalnaj stabilnaści na rynku pracy».
-
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
-
«Schapili i panieśli. Niekalki razoŭ paśpieli ŭdaryć». Biełarus raskazaŭ pra svajo zatrymańnie ŭ Hruzii
-
Cichanoŭskaja: My nie pavinny dazvolić dyktataram pasvaryć biełarusaŭ i litoŭcaŭ
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary