Navukoŭcy: Kamary vyznačajuć «smačnych» ludziej praz hieny
Sprava ŭ roznym pachu potu roznych ludziej, ale «pryvabnaść» pachu zaležyć nie ad charčavańnia.
Hrupa navukoŭcaŭ z Łondanskaj škoły hihijeny i trapičnaj miedycyny prapanavała kamaram pakaštavać pary homazihotnych i hieterazihotnych bliźniataŭ. Takim čynam było vyznačana, što kamary na samoj spravie dyskryminujuć achviar na hienietyčnym uzroŭni, pišuć navukoŭcy ŭ časopisie PLOS One.
18 par homazihotnych i 19 par hieterazihotnych par žančyn-bliźniataŭ byli «skormlenyja» kamaram. Dla pieršych par kamary nie bačyli adroźnieńniaŭ, ale z druhich par chutčej abirali «smačniejšuju» achviaru.
Ruki bliźniataŭ źmiaścili ŭ trubki, ŭ jakija vypuskali maskitaŭ. Trubki byli zładžanyja takim čynam, kab kamary mahli volna abirać miž raŭnaznačnymi šlachami da achviar. Na samoj spravie, u vypadku «identyčnych» homazihotnych bliźniataŭ kolkaść ukusaŭ u siaścior była roŭnaj.
Kamary vyznačajuć achviar pa pachu potu — naprykład, bolš lubiać ciažarnych i poŭnych ludziej. Daśledčyki paćvierdzili teoryju ab tym, što «smačnaść» dla kamaroŭ vyznačajecca nie charčavańniem čałavieka, a peŭnymi hienietyčnymi asablivaściami.
Dalejšyja daśledavańni «smačnaści» ludziej dla maskitaŭ moža dapamahčy nie tolki ŭ stvareńni repielentaŭ, ale i ŭ baraćbie z malaryjaj, ad jakoj štohod pamiraje 1,5-3 młn čałaviek.
Eks-palitźniavolenaja raskazała, jak vychodziła pa pamiłavańni i pra toje, što čuvać pra Kaleśnikavu1
Kamientary