(01.11.1973—19.04.2015). Uładzimier pamior absalutna raptoŭna — na vychodnych, pajechaŭšy ŭ pasiołak Narač, kab naviedać mahiły dziaduli i babuli.
Na 42-m hodzie pamior Uładzimier Bańko (Vova Bankier, Jaryła Pšaničny). Jon stvaryŭ muzyčny prajekt «Baradaty Hrynvič», byŭ paetam, hrafikam, pierformieram. Udzielničaŭ u anarchisckim ruchu. Byŭ biełarusam ad serca.
U muzyčnych kołach jon byŭ viadomy jak Vova Bankier, u paetyčnych — jak Jaryła Pšaničny.
Uładzimier pamior absalutna raptoŭna — na vychodnyja pajechaŭ ź Minska ŭ pasiołak Narač (Kabylnik), kab naviedać mahiły dziaduli i babuli, piša Tuzin.fm. Papiaredniaja pryčyna śmierci — adarvaŭsia tromb, kažuć siabry pamierłaha.
Narač. Apošniaje fota, jakoje niabožčyk źmiaściŭ u svaim Fejsbuku za dzień da śmierci, 18 krasavika.
«Ja prosta ŭ šoku, tak rana syści… Vovu ja viedaŭ z časoŭ hurtu «Baradaty Hrynvič», festu «Sini Pierac», z tych časin praniklisia adzin da adnaho, apošnija hady vystupali razam. Nie mahu pavieryć, što jaho niama z nami», — kaža lidar hurtu «Kniaź Myškin» Leanid Naruševič.
«Pachavańnie projdzie 21 krasavika a 14.00 tam na Naračy, dzie lažać jaho prodki. Vova, budź spakojnym. My lubim ciabie», — zaznačaje Dźmitry Ładzies.
Šakavanyja siabry Bankiera pišuć ciopłyja słovy ŭ jahonuju stužku na Fejsbuku.
«Pajšoŭ u viečnaść fajny, zaŭsiody aptymistyčny čałaviek», — piša Sierž Minskievič.
«Byvaj, słaŭny Mieršboŭ…» — piša Viesialin Rumiancaŭ.
«Vałodzia dumaŭ pra novuju knihu, raspaviadaŭ pra svaju pracu, źviazanuju sa spadarožnikami, chvaliŭ svaju dačku, jakaja zajmajecca žyvapisam, i chacieŭ, kab jana zaniałasia kampjutarnym dyzajnam», — piša Źmicier Višnioŭ.
«Źbiralisia razam na vychodnyja pajechać da mianie na Łysuju Haru, pa «viniły», nie sabralisia. Apošnija fota Vovy Bankiera z Naračy: https://www.facebook.com/vabanker?fref=ts. Viečnaja pamiać, Vałodzia Bańko, lehiendarny paet-trybun, anarchist, muzyka, mastak. Art-pravakatar, maderatar, amatar pierfomansaŭ. Aŭtar unikalnaj knihi vieršaŭ na trasiancy «Piščavyja liški»», — tak piša pra jaho Siaržuk Sys.
Bankier vystupaŭ u składzie eksprymientalnych muzyčnych prajektaŭ Karaoke Vomit, Roomdark, «Baradaty Hrynvič», «Kniaź Myškin».
Apošnija relizy Bankiera – Roomdark – Frothiness i Golova & Roomdark – Snow
-
U staličnaj škole zafarbavali razmaloŭki na nacyjanalnuju tematyku. Nie stała Kupały, Skaryny i Husoŭskaha
-
U sacsietkach uspłyła karcina Białynickaha-Biruli. Nie ŭsie vierać, što akademik moh malavać tak
-
«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary