Z Maskvy. Błoh Alesia Čajčyca55

Jak Rasija pradaje zbroju voraham rasiejskamoŭnaha śvietu

Hałoŭnym aficyjna abvieščanym voraham ciapierašniaha Iranu źjaŭlajecca Dziaržava Izrail. A ŭ Izraile pražyvaje kala paŭtara miljona rasiejskamoŭnych.

«U nas niet kompleksov. Potomu čto my ich postavim Iranu» - aj, jak śmiešna kalamburyć u svaim Fejsbuku piarščyca MZS Rasiei.

Prezydent Rasiei Ŭładzimir Pucin źniaŭ zabaronu na pastaŭku zenitna-rakietnych kompleksaŭ S-300 ŭ Iran pavodle kantraktu ad 2007 hoda, spasyłajučysia na prahres u pieramovach pa iranskaj atamnaj prahramie i źmiahčeńnie sankcyj suprać Iranu z boku Zachadu. Rasieja pramym tekstam patrabuje kasavańnie isnujučaha embarha na pastaŭku zbroi ŭ Iran.

U dalokim 2007 hodzie, kali Rasieja damoviłasia pastavić S-300 Iranu, my jašče žyli ŭ inšym śviecie, biez vajny na ŭschodzie Ŭkrainy, biez aneksii Krymu i padtrymki DNR-ŁNR dziela nibyta abarony pravoŭ (a to i fizyčnaj biaśpieki) rasiejskamoŭnych ludziej. I ad taho nia mienš niajomka hledziacca ciapier namiery Rasiei pastaŭlać zbroju Iranu.

Hałoŭnym aficyjna abvieščanym voraham ciapierašniaha Iranu źjaŭlajecca Dziaržava Izrail. Uzmacnieńnie iranskaha vajskovaha patencyjału naŭprost pahražaje ŭ pieršuju čarhu Izrailu. A ŭ Izraile pražyvaje kala paŭtara miljona rasiejskamoŭnych - adna šostaja častka nasielnictva. Zbolšaha imihranty z byłoha SSSR 90-ch hadoŭ, nia tolki habrei, ale taksama i členy ich siamiej (jakich para socien tysiač). Jašče vialikaja častka nasielnictva - u trecim-čaćviertym pakaleńni naščadki mihrantaŭ z byłoj Rasiejskaj Imperyi, pieravažna ź Biełarusi i Ŭkrainy.

Viedajecie, ja taksama častka rasiejskamoŭnaha śvietu, i nia liču heta samo pa sabie čymś zahannym. I

mnie asabista vielmi kryŭdna, što ŭ Izraili rasiejskaja mova pastupova, ale niepachisna admiraje: dzieci rasiejskamoŭnych imihrantaŭ jaje vučać redka, aficyjnaha statusu jana tak i nie damahłasia.

I mnie kryŭdna nie ad imperyjalizma ci šapkazakidalnictva: mnie kryŭdna prosta ad taho, što robicca mienš i mienš ludziej, z kim u mianie supolnaja mova, supolnaja kultura. Ludziej, jakija viedajuć nia tolki ahulnasuśvietnuju muzyku, litaraturu i kino, ale jakija raździalajuć i jakijaś našy, «ahulnasavieckija» tradycyi i memy. Kali tak budzie iści dalej,

praz 50 hadoŭ adamre pakaleńnie imihrantaŭ 90-ch, i ad rasiejskaj movy ŭ Izraili zastanucca tolki staryja knihi na rynku-barachołcy.

Ludzi pierastajuć być našymi ziemlakami, «našymi ludźmi». U dobrym sensie hetaha słova.

Bo rasiejskaja dziaržava z svaim chvalonym «Rossotrudničiestvom» i analahičnymi strukturami imi nie asabliva apiakujecca.

Padtrymlivać rasiejskamoŭnuju adukacyju i postsavieckuju identyčnaść siarod miljonu rasiejskamoŭnych izrailcaŭ, vidać, nia tak cikava, jak pastaŭlać zbroju terarystam u Danbasie abo rukami hihinych i kryštapovičaŭ dadušvać biełaruskuju movu ŭ Biełarusi.

Kaniečnie, bo rasiejskamoŭnyja izrailcy — heta ludzi, tradycyjna skieptyčnyja da savieckaj ułady, «zdradniki» i ŭvohule žydy. Dla ciapierašniaj rasiejskaj dziaržaŭnaj idealohii heta, vidać, užo nie «rasiejski śviet».

Rasieja źbirajecca pastaŭlać zbroju Iranu, kab jon z hetaj zbroi moh zabivać rasiejskamoŭnych izrailcaŭ. Rasieja de-fakta vajuje suprać napałovu rasiejskamoŭnaj Ukrainy. Ciapierašniaja rasiejskaja dziaržava — hałoŭnaja patencyjnaja pahroza dla suvereniteta i biaśpieki napałovu rasiejskamoŭnaha Kazachstana i na try čverci rasiejskamoŭnaj Biełarusi. Voś, u pryncypie, usio, što treba viedać pra sapraŭdnaje staŭleńnie ciapierašniaj rasiejskaj ułady da rasiejskamoŭnaha śvietu. Na vialiki žal.

Kamientary5

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Usie naviny →
Usie naviny

Papularny polski treveł-błohier raskazaŭ pra svaju pajezdku ŭ Biełaruś i daŭ parady18

U minskaj kramie znajšli pradukt, jaki kaštuje 12 tysiač rubloŭ za kiłahram. Jon zapakavany ŭ boks suprać kradziažu

Bujnyja donary-demakraty źbirajucca zamarozić 90 miljonaŭ dalaraŭ unioskaŭ na kampaniju Bajdena1

«Pačuj mianie. Ty — mudak». Prapahandyst Kazakoŭ u žyvym efiry daŭ majstar-kłas zavočnaj palemiki16

U Salihorskim rajonie znajšli vusienia vielmi redkaha matylka. Čamu my tak redka jaho bačym?3

Što adbyvajecca na miažy z Polščaj pierad vychodnymi

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

bolš čytanych navin
bolš łajkanych navin

Zamach na Donalda Trampa: u jaho stralali ŭ čas vystupu ŭ Piensilvanii25

Zamach na Donalda Trampa: u jaho stralali ŭ čas vystupu ŭ Piensilvanii

Hałoŭnaje
Usie naviny →