Baćka 40 dziaciej u Vialikabrytanii płanuje jašče nie raz stać tatam
U brytanca Majka Chołpina 40 dziaciej ad 20 žančyn, i jon navat nie pamiataje ich imiony, ale zajaŭlaje: «Ja nikoli nie spyniusia, tamu što Boh kaža mnie: idzi i razmnažajsia», piša The Daily Mail.
Majku Chołpinu 56 hadoŭ, jon z Monmutšyra i kaža, što moža ŭspomnić tolki pałovu imionaŭ svaich dziaciej, a niekatorych navat moža i nie paznać, kali sustrenie na vulicy. Pry hetym 16 jaho dziaciej byli ŭziatyja pad apieku sacyjalnych słužbaŭ z-za jaho «ałkahalizmu i raspuščanaści».
Adnak Chołpin śćviardžaje, što choča jašče bolš dziaciej, tamu što nie moža žyć bieź ich.
Jon skazaŭ: «U Biblii Boh kaža iści i razmnažacca. Ja rablu toje, što boh choča. Mnie tolki 56. Ja nikoli nie spyniusia ŭ hetym płanie».
Dvaccać dva ź jaho saraka naščadkaŭ nosiać jaho proźvišča, i jość, vierahodna, jašče niekalki, pra isnavańnie jakich jon navat nie viedaje.
Majk Chołpin pryznaŭsia, što adčuvaje siabie vielmi vinavatym pierad dziećmi, jakija z-za jaho trapili ŭ prytułak, i maje namier viarnuć ich, kab stać całkam ščaślivym. Jon taksama raspavioŭ padčas adnaho z šoŭ na telebačańni, što kožny ź jaho šaści surjoznych ramanaŭ pieražyŭ krach z-za jaho prychilnaści da ałkaholu. A pieršaje dzicia jon vyrašyŭ zavieści tolki tady, kali atrymaŭ svaju pieršuju pracu.
I choć bolš nichto ź jaho byłych kachanak nie choča navat razmaŭlać ź im, jaho asabistaje žyćcio pa-raniejšamu nasyčanaje. Ciapier jon žyvie razam sa svajoj niaviestaj Dajan Morys, jakaja na dziesiać hadoŭ maładziejšaja za jaho.
Mnohija hledačy i hości šou asudzili brytanca, adznačyŭšy, što čałaviek pavinien nieści adkaznaść za svaich dziaciej, i kali chto-niebudź choča vialikuju siamju, jon pavinien padumać, ci zmoža usich ŭtrymlivać. Bolšaść paličyła ład žyćcia Majka Chołpina amaralnym, nazvaŭšy nachabstvam takija pavodziny, kali jon zavodzić stolki dziaciej, kolki nie moža ŭtrymlivać, u vyniku abciažarvaje padatkapłacielščykaŭ, za košt jakich utrymlivajucca prytułki.
Stała viadoma, što za damovu ŭčora padpisali Łukašenka z Pucinym27
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2121
Kamientary