Z Maskvy. Błoh Alesia Čajčyca7474

Chto nie skača, toj chto?

Na vajnie suprać Zła nielha samim pieratvaracca ŭ takoje ž Zło. Piša Aleś Čajčyc.

Źmiašanyja emocyi vyklikaje ŭ mianie eŭfaryja niekatorych biełarusaŭ ad tancu «Chto nia skača, toj maskal». Spačatku ŭsie byli ŭ zachapleńni ad miljona prahladaŭ videa «chto nia skača, toj maskal» z šeścia na Dzień Voli ŭ Miensku. Ciapier na 1 krasavika telekanał «Biełsat» jašče i praciahvaje žartavać z hetaje nahody.

Voś možacie jašče paśmiajacca: tut i tut na videa Rasieja, 2011 i 2012 hady, zadoŭha da Eŭramajdanu i 25 sakavika 2015 h. u Miensku. Ludzi na videa — rasiejskija neanacysty na svaim tradycyjnym maršy 4 listapada.

Sproby admazacca: maŭlaŭ, «pad słovam «maskal» razumiejecca nie luby rasiejec, a tolki vialikarasiejski imperyjalist i revanšyst» — kryvadušnyja.

Maŭlaŭ, «Jašče Kastuś Kalinoŭski, kali pisaŭ pra «kali ŭžo maskala nad taboj nia budzie», kaniečnie ž, mieŭ na ŭvazie nie rasiejskaje panavańnie nad Biełaruśsiu-Litvoj, ale vyklučna niedemakratyčny carski režym».

Napeŭna, pa takoj lohicy i tut na videa z «Rasiejskaha maršu» pad słovam «chač» hetyja pradstaŭniki nieabyjakavaje rasiejskaje moładzi nia majuć na ŭvazie luboha vychadca z Poŭdnia, ale prosta razvažajuć pra peŭny kompleks nehatyŭnych charaktarystyk — etničnaha kryminału, dyskamfortnaha pašyreńnia nieznajomaj im kultury i hetak dalej.

I ŭvohule, słova «chač» — heta skaročanaje ad armianskaha imia «Chačyk», i tamu pradstaŭniki hruzinaŭ, narodaŭ Paŭnočnaha Kaŭkazu abo ciurskich narodaŭ, napeŭna, nie pavinny byli b prymać jaho na svoj adras. Jak i armianam, napeŭna, nia varta prymać na svoj adras słova «čurka» abo «čiernožopyj» — jany ž pieravažna naležać da eŭrapieojdnaj rasy i majuć śvietłuju skuru. Tak što «nu što vy, jakaja ksenafobija? Jesť jevriei, a jesť žydy».

Ja pra toje, što i na vajnie (a my na vajnie — pakul infarmacyjnaj), dzie tvoj praciŭnik — ahresiŭnaja i dzikaja postsavieckaja siła, treba prykładać maksymalnyja namahańni, kab nie apuskacca da ŭzroŭnia hetaha praciŭnika i nie pieratvaracca ŭ ksenafobskaje bydła samim.

I nie rabić navat krokaŭ u tym kirunku.

Bo i ŭ toj ža Rasiei jość šmat adekvatnych ludziej, jakija suprać Pucina i jakija sympatyzujuć Ukrainie i Biełarusi. Hetym ludziam robicca tolki składaniej samim prytrymlivacca takoj pazycyi i sprabavać pierakanać svaich blizkich, kali z taho boku «frontu» — kryčałka z vykarystańniem nehatyŭna afarbavanaj etničnaj mianuški, dy jašče skapijavanaja z adnaznačna ksenafobskaj kryčałki rasiejskich ža neanacystaŭ.

Nielha navat dla zabavy vykarystoŭvać kryčałki, jakaja kahości moža abrazić i adšturchnuć. Davajcie pryvablivać i začaroŭvać, a nie pałochać i adšturchoŭvać.

Apytanka

Kamientary74

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Usie naviny →
Usie naviny

Połk Kalinoŭskaha admaŭlaje datyčnaść Ryka Kryhiera da padraździaleńnia

Rasstrelnaja sprava Ryka Kryhiera tyčycca jaho ŭdziełu ŭ Pałku Kalinoŭskaha — pravaabaroncy5

U centry Minska lehła na bok mašyna milicyi VIDEA9

U Minsku buduć sudzić viadomaha kancertnaha fatohrafa

U Izraili pry atacy drona zahinuŭ repatryjant ź Biełarusi

Interpał vyklučyŭ sa svajho «čyrvonaha śpisu» režysiora Andreja Hniota. Ale heta jašče nie kaniec spravy1

Polskija śpiecsłužby rasśledujuć pahrozu zabojstva Paŭła Łatuški 10

«Dzieci hulali, a źmiaja płavała ŭ łužynie». U rajonie Barysava našeście hadziuk — kamunalniki nie reahujuć5

Pierasadžvacca ŭ inšy aŭtobus u čarzie na miažy bolš nielha? Zdajecca, tak3

bolš čytanych navin
bolš łajkanych navin

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia

Hałoŭnaje
Usie naviny →