Śpisa zabaronienych muzyčnych kalektyvaŭ u Biełarusi niama. Ab hetym zajaviŭ siońnia na pres-kanfierencyi ministr kultury Biełarusi Barys Śviatłoŭ.
«Biełaruskim muzykantam my akazvajem dapamohu. Kali niešta adbyvajecca ŭ kankretnym domie kultury, zryvajecca kancert pa niejkaj pryčynie, adkazvać pavinny ŭ hetaj ustanovie kultury abo tyja miascovyja ŭłady, na terytoryi jakich heta adbyvajecca i jakija vydajuć dazvoł na kancert», — skazaŭ kiraŭnik viedamstva.
«Ale nijakaha čornaha śpisa muzykantaŭ niama, u ministerstva nichto nie zvonić z rehijonaŭ i nie pytaje dazvołu, vydavać paśviedčańnie tamu ci inšamu kalektyvu abo nie», — skazaŭ Barys Śviatłoŭ.
Ministerstva kultury rehuluje pytańnie arhanizacyi kancertnaj dziejnaści na zakanadaŭčym uzroŭni. Dla rehulavańnia ŭviedzieny praces vydačy paśviedčańniaŭ na arhanizacyju kancertaŭ. Stanoŭčy adkaz nie zaŭsiody atrymlivajuć i zamiežnyja muzykanty, adznačyŭ kiraŭnik viedamstva.
Kamientary