Aryštavanyja źjaŭlajucca členami ŭltralevaj hrupoŭki i vajavali ŭ Danbasie na baku prarasijskich sieparatystaŭ.
AP
Vosiem čałaviek byli aryštavanyja ŭ šaści rehijonach krainy ŭ piatnicu ranicaj, havorycca ŭ zajavie ministerstva ŭnutranych spraŭ Ispanii.
«Vosiem kambatantaŭ byli aryštavanyja paśla taho jak jany viarnulisia z Ukrainy, dzie prymali ŭdzieł va ŭzbrojenym kanflikcie ŭ Danbasie. Jany abvinavačvajucca ŭ ździajśnieńni roznych złačynstvaŭ», — paviedamlajuć u ministerstvie.
Infarmacyjnyja ahienctvy spasyłajucca na krynicu ŭ ispanskich pravaachoŭnych orhanach, jaki apisvaje aryštavanych: tyja, što prytrymlivajucca ultralevych pohladaŭ i što zaniali bok prarasijskich sieparatystaŭ va ŭkrainskim kanflikcie.
Krynica paviedamlaje, što vystaŭlenyja suprać ich abvinavačvańni mohuć u siabie ŭklučać zachoŭvańnie zbroi, udzieł va ŭzbrojenym kanflikcie i parušeńnie niejtralitetu Ispanii ŭ kanflikcie va Ukrainie.
Apieracyja pa ich aryšcie była sankcyjanavanaja Nacyjanalnym viarchoŭnym sudom u Madrydzie.
Pa prykładzie interbryhad
Paviedamlajecca taksama i pra toje, što aryštavanyja natchnialisia dziejańniami internacyjanalnych bryhad, jakija vajavali ŭ Ispanii suprać hienierała Franka padčas Hramadzianskaj vajny.
Hetyja členy levaj hrupoŭki jašče ŭ žniŭni apublikavali ŭ sacyjalnych sietkach fatahrafii zbroi i paviedamleńni pra toje, što jany źbirajucca dałučycca da vajujučych u Danbasie. Jany pisali, što adpraŭlajucca vajavać «suprać rakavaj puchliny fašyzmu», jakaja, pa ich słovach, raspaŭsiudžvajecca va Ukrainie.
Pradstaŭnik ministerstva ŭnutranych spraŭ Ispanii zajaviŭ, što palicejskaja apieracyja pa aryšcie ŭdzielnikaŭ vajny va Ukrainie praciahvajecca.
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»21
Kamientary