Infarmacyja pra «ŭrehulavańnie ŭzajemnych finansavych abaviazkaŭ i patrabavańniaŭ, źviazanych z apieracyjami byłoha SSSR» źjaviłasia na sajcie minfina RF.
Dakumient, padpisany dziaržavami, praduhledžvaje vypłatu Niepałam 1,16 młn. dalaraŭ na karyść Rasii — hrošy musiać pieraličyć ciaham troch miesiacaŭ.
Dypłamatyčnyja stasunki pamiž Niepałam i SSSR pačalisia ŭ 1956 hodzie, a ŭžo praz dva hady tahačasny karol Niepała Machiendra pahadziŭsia pryniać savieckuju finansavuju dapamohu — vierahodna, mienavita hetyja hrošy ciapier i patrabuje viarnuć Rasija.
Siońnia Niepał — heta adna ź biadniejšych krainaŭ u śviecie, dzie VUP na dušu nasielnictva składaje kala 700 dalaraŭ, a bolšaść miescaŭ u parłamiencie zajmajuć kamunisty.
Imknieńnie spahnać mizernuju, pa dziaržaŭnych mierkach, pazyku ź Niepała vyhladaje dosyć dziŭnaj na fonie raniejšaj kredytnaj palityki Rasii — za minułyja dvaccać hadoŭ RF daravała šmatmiljardnyja pazyki šerahu krain, u tym liku $12 młrd Iranu, $11 młrd Afhanistanu, $11 młrd KNDR dy inš.
Ukrainka z rasijskim pašpartam Anna Aści budzie dvojčy zapar źbirać «Minsk-Arenu»2
Kamientary