Supracoŭnika «KP v Biełarusi» zatrymali za fatahrafavańnie budynka Akademii navuk
Milicyjantaŭ vyklikaŭ achoŭnik budynku, jaki zajaviŭ pra zabaronu fatahrafavańnia i zabraŭ u Dźmitryja Łaśko pašpart.
Incydent adbyŭsia a 20-j hadzinie 26 lutaha. Supracoŭnik «Komsomolskaja pravda v Biełarusi» źbiraŭsia sfatahrafavać novuju padśvietku budynku prezidyuma Akademii navuk na praśpiekcie Niezaležnaści ŭ Minsku, ale byŭ zatrymany achoŭnikam budynku.
«Achoŭnik zajaviŭ, što fatahrafavańnie administracyjnaha budynku zabaroniena, i paprasiŭ pradjavić dakumienty. Ja pradjaviŭ jamu pašpart, jaki jon adrazu zabraŭ sabie i vyklikaŭ supracoŭnikaŭ milicyi. Milicyjanty, što źjavilisia na miescy praz kolki chvilinaŭ, paćvierdzili zabaronu na fatahrafavańnie, pasadzili mianie ŭ słužbovuju mašynu i dastavili ŭ adździaleńnie», — raspavioŭ Dźmitryj Łaśko.
Dźmitryja Łaśko advieźli ŭ Pieršamajskaje RUUS, dzie pratrymali da poŭnačy. Pa słovach supracoŭnika haziety, milicyjanty vielmi pilna razhladali ŭsie fotazdymki z fotaaparata, cikavilisia prafiesijnaj dziejnaściu i skłali pratakoł apytańnia.
«Milicyjanty spasyłalisia na niejkuju pastanovu ministra ŭnutranych spraŭ Biełarusi ad 25 lutaha 2015 hoda, pavodle jakoha nibyta zabaroniena fatahrafavać administracyjnyja budynki. Spačatku jany chacieli zabrać u mianie usie fłeš-karty z fotaaparata, ale potym vyrašyli hetaha nie rabić. Vyzvalili mianie apoŭnačy», — dadaŭ Dźmitryj Łaśko.
Zakachanyja ŭ Minsku chacieli sabrać z padpisčykaŭ $10 tysiač na viasielle mary. Kolki ž u vyniku im zadanacili?11
Kamientary