Pucin pryznačyŭ śviata «zialonych čałaviečkaŭ» na pieršy dzień akupacyi Kryma
Prezident RF Uładzimier Pucin učora padpisaŭ ukaz, u jakim vyznačyŭ śviata Sił śpiecyjalnych apieracyj Rasii. U im vyznačany dzień — 27 lutaha jak «Dzień sił śpiecyjalnych apieracyj».
Reuters.com
Mienavita ŭ hety dzień hod tamu ciažkaŭzbrojenyja ludzi ŭ vajskovaj formie biez znakaŭ adroźnieńnia zachapili Dom uradu ŭkrainskaj aŭtanomnaj respubliki Krym.
Siły śpiecyjalnych apieracyj RF — vajskovyja farmavańni Ministerstva abarony RF, jakija znachodziacca ŭ prostym padparadkavańni načalnika Hienieralnaha štaba.
U noč na 27 lutaha 2014 hoda nieviadomyja sa zbrojaj u rukach, uzbrojenyja sučasnaj rasijskaj zbrojaj, u tym liku hranatamiotami i kulamiotami, zachapili budynki Viarchoŭnaj Rady i urada Kryma. Nad budynkami byli padniatyja rasijskija ściahi. U hety ž dzień byŭ zabłakavany prajezd pa darohach, jakija źviazvajuć materykovuju Ukrainu z paŭvyspaj.
Pad rulami aŭtamataŭ i kulamiotaŭ było pryznačana novaje kiraŭnictva Kryma — staršynioj urada staŭ lidar prarasijskaj partyi «Rasijskaje adzinstva» Siarhiej Aksionaŭ. Hetaja partyja ŭ Krymie nikoli nie atrymlivała bolš za 4% hałasoŭ.
Rasijskija vojski biez apaznavalnych znakaŭ stali błakavać ukrainskija vajskovyja častki ŭ Krymie, zachoplivać stratehičnyja kropki. Pačaŭsia praces akupacyi i aneksii Kryma Rasijaj.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary