Hramadstva88

Palitviazień Mikałaj Dziadok atrymaŭ dadatkova hod i try dni źniavoleńnia

Sud Leninskaha rajona Mahilova 26 lutaha pryznaŭ palitviaźnia Mikałaja Dziadka, jaki znachodzicca ŭ turmie, vinavatym u złosnym parušeńni režymu i pryhavaryŭ jaho da adnaho hoda i troch dzion pazbaŭleńnia voli. 

Nahadajem, 25—26 lutaha ŭ mahiloŭskaj turmie № 4 razhladałasia sprava asudžanaha za złosnaje chulihanstva anarchista Mikałaja Dziadka. Jamu inkryminavałasia złosnaje parušeńnie režymu (artykuł 411 KK). Termin źniavoleńnia Dziadka zakančvaŭsia 3 sakavika, adnak pryznańnie sudom jaho vinavataści ŭ novym złačynstvie adterminavała vychad na volu. 

«Mikałaj budzie adnaznačna padavać kasacyjnuju skarhu, i pakul pryhavor nie nabudzie moc, jon budzie znachodzicca ŭ turmie, a potym jaho etapujuć u kałoniju strohaha režymu», — paviedamiła žonka Dziadka Valeryja Chocina. 

Pavodle jaje słoŭ, sudździa Šviedaŭ prademanstravaŭ adkrytaść i ŭsiebakovaść u daśledavańni materyjałaŭ spravy. «Ja nie mahu skazać, što ŭ mianie jość niejkija pretenzii da sudździ nakont taho, što jon niešta niedarasśledavaŭ, nie pasprabavaŭ vyśvietlić niejkija akaličnaści. Inšaja reč, što ŭ mianie jość pretenzii nakont vyniasieńnia pryhavoru. Naš advakat začytvaŭ patrabavańni zakona, pa jakich hety 411-ty artykuł nie varta prymianiać da tych niaznačnych epizodaŭ, i tym bolš i ich kolkaść varta było źmienšyć — ličyć za adzin hod, a nie amal za dva z pałovaj hady, jak heta było zroblena pry praviadzieńni pravierki», — skazała žonka asudžanaha anarchista. 

Jana ličyć niespraviadlivym toje, što sud daŭ maksimalnaje pakarańnie za 16 epizodaŭ parušeńnia režymu, jakija staviacca ŭ vinu mužu, ličačy ich na praciahu dvuch z pałovaj hadoŭ. 

Zaznačym, što sud prachodziŭ u zakrytaj ustanovie, tamu trapić na pasiadžeńnie žurnalisty nie mahli. 

Nahadajem, Dziadok byŭ uziaty pad vartu 3 vieraśnia 2010 hoda. 27 maja 2011 hoda sud Zavodskaha rajona Minska pryhavaryŭ jaho da čatyroch z pałovaj hadoŭ źniavoleńnia ŭ kałonii strohaha režymu na padstavie č. 2 art. 339 KK (złosnaje chulihanstva). 5 śniežnia 2012 hoda pastanovaj suda ŭmovy adbyvańnia pakarańnia Dziadku byli zamienienyja na bolš žorstkija, i Mikałaja pieraviali z kałonii № 17 Škłova ŭ turmu № 4 Mahilova. 

Jak ličać pravaabaroncy, padstavaj dla pryhavoru Dziadku staŭ jaho ŭdzieł u mirnaj demanstracyi pratestu kala Ministerstva abarony suprać sumiesnych ruska-biełaruskich vajennych vučeńniaŭ.

Kamientary8

Jakimi buduć vybary 2025 hoda? Razvažajuć Viačorka, Łatuška i Šrajbman

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

Jarmošyna pra Cichanoŭskuju: Prosta pradaŭščyca na fonie Karatkievič u 2015-m45

Što źmianiaje zamach na Trampa?4

Viadučaja ANT Iryna Rambalskaja pakazała svaje harsety na tydni mody ŭ Paryžy9

U mašynie chłopca, što stralaŭ u Trampa, znajšli vybuchoŭku7

Apakalipsis u Mazyry. Štorm nakryŭ Homielščynu8

U Hiermanii biełarus pabiŭsia z małdavaninam. Apošni byŭ parezany

U Indyi ženicca syn samaha bahataha čałavieka krainy. Na viasielle patracili šalonyja hrošy11

Łukašenka achviaravaŭ ministram: jak i za što pazbaŭlalisia ad samych važnych čynoŭnikaŭ jaho sistemy

Marharyta Laŭčuk vypuściła pieśniu, jakuju zapisała razam z mužam5

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →