Hramadstva22

Žychary Leninskaha rajona Minska vystupajuć suprać uščylnieńnia žyłoj zabudovy

Ab hetym paviedamiŭ staršynia arhkamiteta pa stvareńni hramadzianskaj inicyjatyvy «Jeŭrapierśpiektyva» Viktar Jančurevič.

Pavodle jaho słoŭ, bolš za adnu tysiaču hramadzian padpisalisia pad zvarotam suprać zaćviardžeńnia i realizacyi ŭ prapanavanym vyhladzie prajekta detalovaha płanavańnia terytoryi ŭ miežach vuł. Dzianisaŭskaj — vuł. Majakoŭskaha — zav. Majakoŭskaha — čyhunki. Podpisy pieradadzienyja ŭ administracyju Leninskaha rajona Minska, jakaja z 2 pa 26 lutaha pravodzić hramadskaje abmierkavańnie prajekta rekanstrukcyi hetaj terytoryi.

«Abureńnie hramadzian vyklikaŭ namier prajekciroŭščykaŭ krytyčna ŭščylnić žyłuju zabudovu šmatpaviarchovymi novabudoŭlami kala doma 23 pa vuł. Kozyraŭskaj i na terytoryi azialenienaha dvara pa vuł. Baradzinskaj, 31, a taksama pašyryć vuł. Vielikamorskuju da troch pałos z arhanizacyjaj aŭtobusnaha maršrutu. Na dumku žycharoŭ rajona, prajekt rekanstrukcyi pavinien słužyć mecie kompleksnaha dobraŭparadkavańnia terytoryi, stvareńnia spryjalnaha asiarodździa žyćciadziejnaści, zabieśpiačeńniu abjektami sacyjalnaj infrastruktury, parkoŭkami i stajankami aŭtatranspartu, a nie być instrumientam banalnaj kropkavaj zabudovy svabodnych učastkaŭ žyłymi damami pavyšanaj paviarchovaści», — adznačyŭ Jančurevič.

Jon paviedamiŭ, što «hałoŭnymi prablemami rajona hramadzianie nazyvajuć słaba raźvituju infrastrukturu, nizkuju jakaść dziciačych i spartyŭnych placovak, katastrafičny niedachop parkovak, u vyniku čaho vulicy i dvarovyja terytoryi zahruvaščanyja aŭtamabilami». Prajekt rekanstrukcyi pavinien vyrašać mienavita hetyja prablemy, a nie stvarać žycharam novyja, ličać žychary.

Padviadzieńnie vynikaŭ hramadskaha abmierkavańnia pavinna adbycca 27 lutaha. «Hramadzianie spadziajucca, što ich mierkavańnie budzie ŭličana i prajekt budzie adpraŭleny na dapracoŭku, a pry vyrašeńni pytańnia nie na karyść hramadskaj dumki majuć namier abskardzić rašeńnie i abaraniać svaje intaresy ŭ vyšejšych instancyjach», — adznačyŭ aktyvist.

Na jaho dumku, «prablemy pry praviadzieńni hramadskich abmierkavańniaŭ horadabudaŭničych prajektaŭ uźnikajuć z-za adchileńnia hramadskaści ad udziełu ŭ pracesie płanavańnia».

«Ni Minharvykankam, ni prajektnyja instytuty nie ličać patrebnym vieści kamunikacyju z haradžanami na etapie raspracoŭki prajekta raźvićcia kankretnaj terytoryi, a ličać za lepšaje siłaj prašturchoŭvać toje, što vyhadna kamuści, ale nie haradžanam. Siońnia ŭładam horada para zadumacca ab źmianieńni padychodaŭ da horadabudaŭnictva i prajektavańnia, vybudoŭvać z hramadskaściu dyjałoh, a nie naviazvać nieabdumanyja rašeńni, nastupstvami jakich źjaŭlajucca pratesty, niedavier i azłoblenaść», — ličyć Jančurevič.

Kamientary2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Usie naviny →
Usie naviny

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam7

Čamu Bajden vyrašyŭ vyjści z honki? Voś što pra heta pišuć suśvietnyja miedyja2

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

Pamočnik hiendyrektara mazyrskaha NPZ pamior na pracy. Niadaŭna jaho abvinavačvali ŭ raspaŭsiudzie ekstremizmu4

Kamała Charys zaručyłasia davieram usich lidaraŭ Demakratyčnaj partyi1

Kamału Charys užo padtrymali Klintany, Abama maŭčyć

Jak apytańni aceńvajuć šansy Kamały Charys pieramahčy Donalda Trampa na vybarach u ZŠA1

Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj9

bolš čytanych navin
bolš łajkanych navin

Padrabiaznaści teraktu Kryhiera pad Aziaryščam — razburanyja špały i nivodnaha paranienaha2

Padrabiaznaści teraktu Kryhiera pad Aziaryščam — razburanyja špały i nivodnaha paranienaha

Hałoŭnaje
Usie naviny →