U Hrodzienskaj vobłaści ciaham sutak šukali padletka, jaki paśla kanfliktu ŭ škole źbieh z domu i źjechaŭ u Hrodna.
Viečaram 20 lutaha mama źnikłaha 13-hadovaha chłopčyka ź Bierastavickaha rajona źviarnułasia ŭ RAUS z prośbaj ab dapamozie — znajści syna, jaki ranicaj syšoŭ u škołu i nie viarnuŭsia dadomu.
Padletka šukali ŭsiudy, prapracoŭvalisia roznyja i samyja nievierahodnyja viersii źniknieńnia.
Chłopčyk — navučeniec 8-ha kłasa Małabierastavickaj siaredniaj škoły. Za dzień da źniknieńnia ŭ školnika adbyŭsia kanflikt z adnakłaśnikami, paśla čaho, na nastupny dzień jon vyrašyŭ zrabić tolki vyhlad, što idzie ŭ škołu. Uziaŭšy minimalny nabor rečaŭ — pakiet z krasoŭkami i adnym padručnikam, padletak źjechaŭ u susiedniuju viosku Alekšycy na kałhasnym aŭtobusie, adkul na «paputkach» dabraŭsia da Horadni.
Ad žychara susiedniaj vioski pastupiła infarmacyja pra toje, što toj bačyŭ chłopčyka ŭ Hrodnie. Milicejski narad znajšoŭ padletka na aŭtavakzale.
Pa słovach chłopčyka, jamu vielmi chaciełasia palubavacca Horadniaj. Pieranačavaŭ jon na aŭtavakzale.
Padletka pieradali baćku, jaki adrazu pryjechaŭ u abłasny centr.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści2
Kamientary