Z Maskvy. Błoh Alesia Čajčyca22

Biełarusy pamiž zamiežnymi centrami siły: pakul što abjekt, a nie subjekt

My, biełarusy, pavinny pilnavać svaje intaresy ŭ stasunkach z zamiežnymi chaŭruśnikami

Paŭdzielničaŭ u «Praskim akcencie» na Radyjo Svaboda nakont uzajemadziejničańnia biełarusaŭ z vonkavymi siłami. Pa «papiaredniuju seryju» adsyłaju da svajho raniejšaha dopisu na Radyjo Svaboda. Kali koratka:

biełarusy ŭsio apošniaje stahodździe byli vymušanyja karystacca dapamohaj vonkavych siłaŭ dziela abarony svaich intaresaŭ

- zvyčajna, dziela taho, kab supraćstajać inšym, bolš varožym, vonkavym siłam. Heta samo pa sabie naturalna, ale prablema ŭ tym, što ciapier

biełarusy ŭ hetym raskładzie adsutničajuć jak adziny skaardynavany centar siły.

Što maje bolš minusaŭ, čym plusaŭ.

Vykarystańnie biełarusami zamiežnaj dapamohi dziela dasiahnieńnia biełaruskich metaŭ - heta, kaniečnie, vielmi tonkaja tema. Kali stavicca da jaje paviarchoŭna, čałavieku tak i budzie chaciecca skazać:

1) «Usia hetaja apazycyja - pradažnaja piataja kalona» abo «Vy ŭsich nazyvajecie pradažnymi, chacia ludzi ščyra robiać pracu dziela Biełarusi»

Nie: reč u tym, što trapleńnie pad upłyŭ moža mieć roznuju stupień - ad prosta pryniaćcia dapamohi i pieratvareńnia ŭ maralnaha daŭžnika, da «kampramisaŭ», i da sapraŭdnaj tatalnaj «pradanaści».

I toj fakt, što, maŭlaŭ, biełarusy słužać čyimś intaresam, nie supiarečyć tamu faktu, što adnačasova i tyja ž čyiś čužyja intaresy słužać biełarusam.

2) «Adziny intares Polščy - viarnuć Kresy Wschodnie» abo «Z čaho vy vyrašyli, što ŭ Polščy kamuś, akramsia marhinałaŭ, patrebnyja Harodnia i Bieraście»

Nie i nie: intaresam moža być i, naprykład, stvareńnie sytuacyi, kali kulturnickaja i hramadzkaja nacyjanalnaja elita Biełarusi była b čymś abaviazanaja Polščy - a Biełaruś užo abjektyŭna maje pierad Polščaj maralny doŭh za biełaruskija humanitarnyja prajekty, što źjavilisia pry polskaj padtrymcy.

Bolš za toje,

heta moža być pravilny i dobry intares: tolki tak narmalovyja mižnarodnyja stasunki i budujucca, praz uzajemnyja investycyi i siabroŭskija kroki. Ale my, biełarusy, pavinny pilnavać svaje intaresy ŭ hetaj «ździełcy» z Polščaj.

A z našaha boku niama subjekta, jaki b Biełaruś pradstaŭlaŭ jak, umoŭna, «bok pieramovaŭ».

3) «Što vy, ułasna, usio pra Polšču?»

Polšča z zamiežnych nierasiejskich siłaŭ najbolš aktyŭna prysutničaje ŭ Biełarusi. Jana sama pa sabie adnosna vialikaja kraina, taksama ŭ sytuacyi ź joju prysutničaje

faktar polskaj mienšaści ŭ Biełarusi, adnym z kiraŭnikoŭ i hanarovych siabraŭ jakoj źjaŭlajecca taki čałaviek, jak Veranika Sebaścianovič - taja samaja veteranka-padpolščyca, jakaja publična nazvała Bieraście i Harodniu «časova Biełaruśsiu».

Pytańnie nie da dziejańniaŭ pradstaŭnika polskaje mienšaści, a da našaje reakcyi. A my, ja liču, abaviazanyja reahavać, kali taki čałaviek dazvalaje sabie takija vyrazy adnosna Biełarusi.

Zrazumieła, što

rasiejski ŭpłyŭ na Biełaruś kudy bolš vidavočny, bolš maštabovy i bolš niebiaśpiečny dla biełaruskaj dziaržaŭnaści:

ad dziejnaści Biełaruskaha ekzarchatu RPC (čyje struktury nieadnarazova byli zaŭvažanyja i ŭ raspaŭsiudzie ekstremisckaj litaratury, i ŭ padtrymcy antydziaržaŭnych hrupovak kštałtu «biełaruskich kazakoŭ») da zasilla vypusknikoŭ rasiejskich vučeleń u biełaruskich siłavych i specyjalnych słužbach, zasilla rusafiłaŭ na kiraŭničych pazycyjach u dziaržaŭnaj idealohii i prapahandzie, i mnohaha inšaha.

Plus, majem precedent z aneksijaj Kryma i vajnoj u Danbasie, majem adnaŭleńnie Imperyi ŭ toj ci inšaj formie jak važny składnik vonkavaj palityki, a ŭžo nia prosta jak revizijanisckija mroi marhinalnych palityčnych hrupovak.

Banalnaja reč - ale nam treba dumać, jak biełarusam znoŭ zrabicca subjektam kalabiełaruskaje palityki, a nie naboram razmaitych hrupovak.

Kamientary2

Jarmošyna raskazała, kaho dapuściać da ŭdziełu ŭ vybarach-202512

Jarmošyna raskazała, kaho dapuściać da ŭdziełu ŭ vybarach-2025

Usie naviny →
Usie naviny

Češka Barbara Krejčykava pieramahła na Uimbłdonie-2024

Łukašenka zajaviŭ pra «likvidacyju napružanaści na miažy z Ukrainaj» i vystupiŭ z prymirenčymi zajavami: «Treba damaŭlacca»28

Urahan źmioŭ kiempinh na Vilii, paviedamlajuć pra zahinułaha3

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

bolš čytanych navin
bolš łajkanych navin

Jarmošyna raskazała, kaho dapuściać da ŭdziełu ŭ vybarach-202512

Jarmošyna raskazała, kaho dapuściać da ŭdziełu ŭ vybarach-2025

Hałoŭnaje
Usie naviny →