Papa Francišak abmierkavaŭ ź Mierkiel situacyju va Ukrainie i natchniŭ jaje dziejničać «rašuča i ŭpeŭniena»
Padčas sustrečy kancler Hiermanii Anhieła Mierkiel i Papa Francišak abmierkavali hłabalnyja prablemy, a taksama situacyju va Ukrainie.
Jak paviedamlaje DW, na aŭdyjencyi ŭ Vatykanie ŭ subotu, 21 lutaha, Mierkiel aznajomiła kiraŭnika Rymska-katalickaj carkvy z paradkam dnia staršynstva Hiermanii ŭ G7. Akramia taho, havorka išła ab važniejšych hłabalnych prablemach.
Na sustrečy, jakaja doŭžyłasia kala 45 chvilin, Anhieła Mierkiel i Papa Francišak zakranuli i situacyju va Ukrainie. Pavodle paviedamleńnia Vatykana, u razmovie havorka išła pra abaviazacielstvy «znajści mirnaje rašeńnie kanfliktu va Ukrainie».
«Viadoma, ja zadavolenaja, što tyja prablemy, jakim my prydajom asnoŭnuju ŭvahu, tyčacca pytańniaŭ, jakija važnyja dla Papy Franciška i Katalickaj carkvy», — adznačyła Mierkiel pa vynikach sustrečy.
Adzanačyŭšy imknieńnie pantyfika dapamahčy ŭrehulavać situacyju va Ukrainie, Mierkiel dadała, što jon natchniŭ jaje dziejničać «rašuča i ŭpeŭniena».
Temami razmovy na sustrečy byli taksama baraćba ź biednaściu i hłabalnym paciapleńniem, nieabchodnaść udaskanaleńnia sistemy achovy zdaroŭja ŭ śviecie.
Papa Francišak užo nieadnarazova zaklikaŭ da miru va Ukrainie. Na pačatku lutaha jon nazvaŭ «skandałam» toj fakt, što na Danbasie adzin suprać adnaho vajujuć chryścijanie.
Pamiatajecie pravakatara i danosčyka Jaŭhiena Kakojta? Jon ciapier taksama palitviazień7
Kamientary