Daradca staršyni Słužby biaśpieki Ukrainy Markijan Łubkiŭski paćvierdziŭ, što ŭ Kijevie byli zatrymanyja dźvie hramadzianki Rasii, karespandentki Life News.
Łubkiŭski paviedamiŭ, što abiedźvie jany ŭ bližejšy čas buduć departavanyja z Ukrainy z nastupnaj zabaronaj ujazdžać na terytoryju krainy na praciahu bližejšych piaci hadoŭ.
«Dziejnaść hetych hramadzianak Rasijskaj Fiederacyi nie maje ničoha ahulnaha z žurnalisckaj dziejnaściu, i my rasceńvajem jaje jak pahrozu biaśpiecy i nacyjanalnym intaresam Ukrainy», — napisaŭ Łubkiŭski na svajoj staroncy ŭ «Fejsbuku».
Raniej rasiejski MZS zapatrabavaŭ nieadkładna vyzvalić zdymačnuju hrupu Life News — karespandentku Lizavietu Chramcovu i apieratarku Natallu Kałyšievu.
«Suviazi ź imi niama, ich miescaznachodžańnie nieviadomie, — adznačajecca ŭ zajavie ministerstva. — Patrabujem nieadkładna adpuścić rasijskich žurnalistaŭ i spynić zahannuju praktyku zapałochvańnia pradstaŭnikoŭ ŚMI».
Śledčy kamitet Rasii ŭ piatnicu pačaŭ kryminalnuju spravu pa fakcie vykradańnia i pieraškodzie zakonnaj dziejnaści žurnalistaŭ.
«Jana pahražała mnie fizična, napadała seksualna». Alaksandr Rybak skardzicca na stałkierku4
Kamientary