Śviet44

Jak pradaviec-musulmanin vyratavaŭ zakładnikaŭ-jaŭrejaŭ u Paryžy

Da musulmanskaha pradaŭca pa imieni Łasana Bacili, jaki zamknuŭ i tym samym vyratavaŭ zakładnikaŭ u kašernaj kramie, u Francyi ŭžo staviacca jak da hieroja. Pra jaho zdymajuć siužety i biaruć intervju. Praŭda, sam pradaviec takoj słavy, mabyć, nijak nie čakaŭ.

U piatnicu ŭ adnoj z kašernych kram u Paryžy byli zachoplenyja zakładniki. Terakt ažyćciaviŭ Achmied Kulibali — heta toj samy teraryst, jaki dniom raniej zabiŭ na ŭskrainie Paryža supracoŭnika palicyi. Kulibali ŭvarvaŭsia ŭ kramu i pačaŭ pahražać pakupnikam. I nie prosta pahražać, a rasstaviŭ bolš za dziasiatak raściažak z hranatami.

Častka z zakładnikaŭ pry hetym zdoleła spuścicca ŭniz, dzie i znachodziŭsia pradaviec Łasana Bacili (jon naradziŭsia ŭ Mali).

«Kali jany prybiehli ŭniz, ja adkryŭ dźviery chaładzilnika, vyklučyŭ śviatło i skazaŭ im lehčy na padłohu, — paźniej apaviadaŭ Bacili francuzskamu telekanału BFM TV, — paśla čaho začyniŭ dźviery, skazaŭ im być spakojnymi i rastłumačyŭ, što pajšoŭ nazad».

Palicejskija ŭ hety čas užo pačali šturmavać budynak kramy. U chodzie šturmu budynka teraryst Achmied Kulibali byŭ zabity. Ale pierad hetym jon paśpieŭ adkryć ahoń pa zakładnikach, zahinuli čatyry čałavieki. Ab takoj kolkaści zahinułych paviedamiŭ prakuror Paryža Fransua Malen, dadaŭšy, što pakupniki zahinuli nie ad dziejańniaŭ palicyi.

Musulmanskamu pradaŭcu Łasana Bacili ŭdałosia vyratavać niekalkich čałaviek, siarod jakich było i dvuchhadovaje dzicia. Praŭda, francuzskaja palicyja pieršapačatkova paličyła Bacili adnym z zmoŭščykaŭ i zatrymała jaho ŭ hruzavym lifcie.

Jak paźniej patłumačyŭ sam pradaviec u intervju BFM TV: «Jany skazali mnie apuścicca na ziamlu i trymać ruki nad hałavoj. Potym nadzieli naručniki i trymali hadziny paŭtary, ličačy, što ja zaadno z terarystami. Pavieryli pradaŭcu tolki paśla taho, jak jaho apaznali kalehi. Mnie samomu palicyja nie pavieryła, ale ja i sam tady jašče nie viedaŭ, što teraryst byŭ, jak i ja, ciemnaskury», — rastłumačyŭ Bacili. Paśla vyzvaleńnia Bacili pakazaŭ, dzie schavaŭ ludziej.

Videasiužet Doždia

Kamientary4

Žančyna z-pad Škłova dała znajomamu klučy ad mašyny i ŭ vyniku zalacieła na 65 tysiač rubloŭ: «A jon adsiedzieŭ 3 hady — i ŭsio»

Žančyna z-pad Škłova dała znajomamu klučy ad mašyny i ŭ vyniku zalacieła na 65 tysiač rubloŭ: «A jon adsiedzieŭ 3 hady — i ŭsio»

Usie naviny →
Usie naviny

99-hadovy biełarus vyrašyŭ atrymać paśviedčańnie ab naradžeńni

Ryžankoŭ prylacieŭ u KNDR

KNDR znoŭ zapuściła šary sa śmiećciem na poŭdzień. Adzin ź ich upaŭ la rezidencyi prezidenta Paŭdniovaj Karei

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?30

Charys apiaredžvaje Trampa: 44% suprać 42% — pieršaje apytańnie paśla źniaćcia Bajdena27

Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał16

U Minsku źjaviłasia vulica «Čierviekova» — na adnym z damoŭ paviesili tablički z pamyłkaj FOTAFAKT8

U Kijeŭskim univiersitecie adnoviać vyvučeńnie biełaruskaj movy12

MZS Polščy abviarhaje infarmacyju ab zabaronie na ŭjezd dla biełaruskich aŭtamabilaŭ — Viačorka11

bolš čytanych navin
bolš łajkanych navin

Žančyna z-pad Škłova dała znajomamu klučy ad mašyny i ŭ vyniku zalacieła na 65 tysiač rubloŭ: «A jon adsiedzieŭ 3 hady — i ŭsio»

Žančyna z-pad Škłova dała znajomamu klučy ad mašyny i ŭ vyniku zalacieła na 65 tysiač rubloŭ: «A jon adsiedzieŭ 3 hady — i ŭsio»

Hałoŭnaje
Usie naviny →