Hramadstva

Prahnoz: samyja biaśpiečnyja avijakampanii dla 2015 hoda

Sajt AirlineRatings.com skłaŭ rejtynh samych biaśpiečnych avijalinij dla 2015 hoda. Na dumku śpiecyjalistaŭ, aŭstralijskaja kampanija Qantas zajmaje pieršaje miesca. Ahułam u śpisie pradstaŭlena 449 kampanij, u tym liku low-cost pieravozčyki.

U pieršuju dziesiatku taksama ŭvachodziać Air New Zealand, British Airways, Cathay Pacific Airways, Emirates, Etihad Airways, EVA Air, Finnair, Lufthansa i Singapore Airlines.

Rejtynh AirlineRatings.com prymaje pad uvahu ceły šerah faktaraŭ, źviazanych z aŭdytam ad orhanaŭ avijacyi, takich jak FAA i IKAO, a taksama dziaržaŭnych pravierak i statystyki śmiarotnaści. Maksimalnaja mahčymaja adznaka — siem zorak. Dla prykładu, biełaruskaja Belavia maje tolki piać zorak.

Redaktary AirlineRatings.com taksama vyznačyli svaju dziasiatku samych biaśpiečnych biudžetnych avijakampanij. Jany raźmieščany ŭ ałfavitnym paradku: Aer Lingus, Alaska Airlines, Icelandair, JetBlue, Jetstar, Kulula.com, Monarch Airlines, Thomas Cook, TUI Fly i WESTJET.

U adroźnieńnie ad šerahu nizkabiudžetnych pieravozčykaŭ, hetyja avijakampanii adpaviadajuć strohim kryteram Operational Safety (IOSA) Mižnarodnaj asacyjacyi pavietranaha transpartu i majuć vydatnyja pakazčyki biaśpieki.

Z 449 avijakampanij 149 majuć siem zorak, ale amal 50 majuć usiaho try zorki abo mienš. Piać avijakampanij atrymali tolki adnu zorku za biaśpieku ad AirlineRatings.com. Da ich adnosiacca: Agni Air, Kam Air, Nepal Airlines,Scat i Tara Air.

U vypuščanym pres-relizie taksama adznačajecca, što 2014 hod moža ličycca nie samym udałym dla hramadzianskaj aviacyi —ahułam u 21 katastrofie zahinuła 986 čałaviek.

Heta horšy pakazčyk za apošnija 10 hadoŭ. Tym bolš minuły 2013-y ličycca samym biaśpiečnym hodam dla aviacyi: tady zahinuli 265 čałaviek. Ale varta adznačyć, što kolkaść pieraviezienych pasažyraŭ dasiahnuła adznaki ŭ 3.3 młrd, a ahulnaja kolkaść rejsaŭ nabliziłasia da 27 miljonaŭ. Dla paraŭnańnia, 50 hod tamu ŭ 87 katastrofach zahinuła 1597 čałaviek, ale ahulnaja ličba pasažyraŭ tady była tolki 141 młn. Heta 5% ad siońniašniaj.

Kamientary

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta2

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam8

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta2

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →