U DTZ u Navahrudskim rajonie zahinuli čatyry čałavieki. Śledčym kamitetam raspačata kryminalnaja sprava, paviedamlaje pres-słužba SK.
Na miescy avaryi pracujuć śledčyja va ŭzajemadziejańni z supracoŭnikami Dziaržaŭnaj aŭtamabilnaj inśpiekcyi, Dziaržaŭnaha kamiteta sudovych ekśpiertyz. Pravodzicca ahlad miesca zdareńnia, dapytvajucca ŭdzielniki i vidavočcy taho, što adbyłosia.
Ustanoŭlena, što kala 10 hadzin 10 studzienia kiroŭca aŭtamabila KIA Sportage, ruchajučysia pa trasie R11 z boku Navahrudka ŭ napramku Lidy, dapuściŭ spadarožnaje sutyknieńnie z aŭtamabilem Nissan.
U vyniku sutyknieńnia aŭtamabil KIA Sportage vylecieŭ na pałasu sustrečnaha ruchu, dzie sutyknuŭsia z aŭtamabilem Volkswagen Golf, u jakim znachodziłasia piać mužčyn.
U vyniku darožna-transpartnaha zdareńnia try pasažyry aŭtamabila Volkswagen Golf zahinuli na miescy zdareńnia, jašče dvoje pasažyraŭ hetaha aŭtamabila byli dastaŭleny va ŭstanovu achovy zdaroŭja, dzie praź niekatory čas adzin z mužčyn pamior.
Dla arhanizacyi pracy i kaardynacyi dziejańniaŭ na miesca darožna-transpartnaha zdareńnia vybyli supracoŭniki centralnaha aparata Śledčaha kamiteta. Pryznačany šerah ekśpiertnych daśledavańniaŭ, u tym liku sudova-miedycynskaja i aŭtatechničnaj ekśpiertyzy.
U dačynieńni da vadziciela KIA Sportage Śledčym kamitetam raspačata kryminalnaja sprava pa č. 3 art. 317 (parušeńnie praviłaŭ darožnaha ruchu, što paciahnuła pa nieaściarožnaści śmierć čatyroch asob) Kryminalnaha kodeksa Respubliki Biełaruś.
Cichanoŭskaja pavinšavała tvitar z hadavinaj bitvy pad Oršaj. I tut pačałosia6
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary