Na žal, biełaruskija žančyny ŭsio čaściej sutykajucca z rakam małočnych załoz. Aproč apieracyi na pieršaj linii lačeńnia – pramianiovaja terapija. Ciaham šmathadovych nazirańniaŭ za tymi, chto vyžyŭ paśla apieracyi, miedyki zaŭvažyli prablemu: žančyny, u jakich rak byŭ źleva, paśla pakutavali na išemičnuju chvarobu serca ŭ bolš značnaj stupieni za tych pacyjentak, u kaho prablema była sprava. Miedyki źviazali heta z pramianiovaj nahruzkaj na serca i pačali šukać vyjście.
Serca znachodzicca ŭ niepasrednaj blizkaści da załozy. Jak vyvieści jaho z-pad udaru padčas apramieńvańnia puchliny? Daktary ekśpierymientavali padčas terapii: kłali žančyn tvaram uniz, mianiali praciahłaść i madulavali intensiŭnaść apramieńvańnia. I voś daśledčyk Charyjet Ełdrydža-chindzi, doktar miedycynskich navuk, hałoŭny rezident i navukovy supracoŭnik Adździeła radyjacyjnaj ankałohii va Univiersitecie Tomasa Džefiersana, vynajšaŭ inšy sposab. «My chacieli vyznačyć, nakolki moža być efiektyŭnaja zatrymka dychańnia padčas lačeńnia levaj małočnaj załozy». Serca ssoŭvajecca padčas dychańnia z-za pašyreńnia hrudnoj kletki. Zatrymka dychańnia robić jaho mienš ruchomym, i takim čynam źbierahčy jaho ad škodnych promniaŭ lahčej. Technika zatrymki dychańnia dazvalaje kantralavać serca ŭ takoj pazicyi, kali jano nie traplaje ŭ dyjapazon pučka vypramieńvańnia.
Takim prostym sposabam miedyki dasiahnuli źnižeńnia pramianiovaj nahruzki na serca ŭ siarednim na 62%. Atrymanyja vyniki źjavilisia ŭ Internecie na hetym tydni ŭ časopisie «Praktyčnaja radyjacyjnaja ankałohija».
Praviedzienyja pašyranyja daśledvańni pakazali, što pacyjentki, jakija zatrymlivali dychańnie, vierahodna, majuć mienšuju ryzyku išemičnaj chvaroby serca paśla 10 hadoŭ nazirańnia, a chutkaść prahresavańnia chvaroby ŭ ich paraŭnalna nižejšaja.
-
Žonka biełaruskaha bodzibiłdara Illi «Holema» Jefimčuka raskazała, jak jon pamior u najlepšaj klinicy Prahi i što stała pryčynaj
-
Vučonyja raskazvajuć, jak prostaja źmiena ŭ racyjonie charčavańnia moža palepšyć stan skury i imunitet
-
Zirnicie, jak schudnieŭ były dziaržsakratar ZŠA Majk Pampiea. Voś jak heta było
«Jana pahražała mnie fizična, napadała seksualna». Alaksandr Rybak skardzicca na stałkierku3
Kamientary