Piermski kłub «Horny Kryštal» zaprasiŭ haściej na navahodniuju viečarynku pad nazvaj «Kryštalovaja noč».

Na sajcie kłuba apublikavany anons mierapryjemstva: «Čaho vy čakajecie kožny novy hod? Viadoma, cudu! Heta, badaj, adzinaje śviata, kali zaŭsiody chočacca trochi vieryć u mahiju! «Horny Kryštal» zaprašaje Vas čaroŭna sustreć 2015 hod!».

«Zrabicie svajo śviata fiejeryčnym razam z «Hornym kryštalom»! — zaklikajuć arhanizatary śviata.

Vadzim Jusupaŭ, dyrektar sietki «Norman-Vivat», jakoj naležyć kłub, vystupiŭ za źmienu nazvy viečarynki.

«U nas jość mieniedžar kłuba dla vyrašeńnia takich pytańniaŭ, ale jak zasnavalniki my ličym, što prosta nazyvać mierapryjemstva asacyjacyjaj, viadomaj na ŭvieś śviet, niama sensu. Chutčej za ŭsio, jany niejak skarektujuć svaju nazvu», — skazaŭ Jusupov.

«Kryštalovaja noč» — jaŭrejski pahrom, jaki zładzili šturmaviki SA ŭ listapadzie 1938 hoda ŭ Hiermanii i Aŭstryi. Dakładnaja kolkaść achviar zastajecca nieviadomaj: pa niekatorych acenkach, u vyniku napadaŭ mahli zahinuć ad 1 da 2 tysiač čałaviek. Vulicy haradoŭ padčas pahromu akazalisia zasypanymi askiepkami škła kram i inšych budynkaŭ, jakija naležali jaŭrejam — adsiul źjaviłasia nazva «Kryštalovaja noč».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?