Sajt infarmacyjnaj kampanii BiełaPAN adnaviŭ pracu. Sajt pierastaŭ pracavać viečaram u subotu, adnaviŭsia ŭ niadzielu ranicaj, ale pa abiedzie 21 śniežnia znoŭ pierastaŭ pracavać. Pryčyny błakavańnia damiena — nieviadomyja. Sajt interniet-vydańnia Naviny.by pakul nie dastupny.

Učora redakcyja BiełaPAN apublikavała zajavu.

«20 śniežnia byli zabłakavanyja IP-adrasy sajtaŭ belapan.by, belapan.com i naviny.by, jakija naležać Biełaruskaj infarmacyjnaj kampanii BiełaPAN. Chto i pa jakoj pryčynie heta zrabiŭ, dahetul nieviadoma. Zrazumieła, adnak, što rašeńnie ab błakiroŭcy IP-adrasoŭ mahli pryniać tolki ŭłady, pakolki ŭ Biełarusi zachoŭvajecca manapolija dziaržavy na pradastaŭleńnie IP-adrasoŭ, — kazałasia ŭ zajavie. — 

Kampanija BiełaPAN nie atrymlivała nijakich aficyjnych papiaredžańniaŭ ci apaviaščeńniaŭ ab padrychtoŭcy błakiroŭki. 

Papraŭki ŭ zakon ab ŚMI, jakija dapuskajuć błakiroŭku sajtaŭ, nabuduć moc tolki 1 studzienia 2015 hoda, ale navat paśla hetaha dla błakiroŭki patrebny buduć zakonnyja padstavy. U ciapierašnich umovach błakiroŭku IP-adrasoŭ kampanii BiełaPAN my rasceńvajem jak hruby zamach na svabodu słova i ŚMI ŭ Biełarusi. 

My robim usio dla taho, kab atrymać ad dziaržaŭnych orhanaŭ vyčarpalnuju infarmacyju pra toje, chto i na jakoj padstavie prymaŭ rašeńnie ab błakiroŭcy našych sajtaŭ». 

Клас
0
Панылы сорам
0
Ха-ха
0
Ого
0
Сумна
0
Абуральна
0