Ekspart vajennaj techniki i ŭzbrajeńniaŭ rasijskaj vytvorčaści ŭ 2014 hodzie pieravysiŭ $13 miljardaŭ, zajaviŭ pamočnik prezidenta RF Uładzimier Kožyn.

Abjom zamovaŭ na rasijskuju abaronnuju pradukcyju aceńvajecca bolš čym ŭ $48 miljardaŭ, dadaŭ jon.

U 2013 hodzie vajenny ekspart RF, pa aficyjnych rasijskich dadzienych, skłaŭ $15,7 miljarda.

Letam 2014 hoda namieśnik hiendyrektara Rasabaroneksparta Ihar Sievaśćianaŭ kazaŭ, što situacyja na mižnarodnym rynku ŭzbrajeńniaŭ dla Rasii z-za zachodnich sankcyj nie źmienicca. Vice-premjer RF Dźmitry Rahozin paraŭnaŭ zachodnija sankcyi suprać rasijskaha abaronnaha sektara z vystrałam «sabie ž u nahu».

Mnohija sučasnyja rasijskija ŭzbrajeńni vykarystoŭvajuć zachodnija kamplektujučyja. Hetak francuskija ciepłavizary ŭstaloŭvajucca na tanki T-90, francuzskija prybory stajać taksama na rasijskich źniščalnikach Su-30MKI.

Takim čynam zachodnija sankcyi nie tolki mahli pierakanać pakupnikoŭ rasijskaj zbroi admovicca ad zamovaŭ ci adkłaści ich ažyćciaŭleńnie, ale i spryčynicca da skaračeńnia mahčymaściaŭ RF pa vykanańniu ŭžo aktualnych kantraktaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?