Aficer ukrainskaj armii pa mianušcy «Maršał», jaki staŭ viadomy svaimi paśpiachovymi bajami ŭ Danieckim aeraporcie i iraničnymi videa adtul, atrymaŭ za svaje bajavyja zasłuhi orden Bahdana Chmialnickaha 3 stupieni.
Pra heta hieroj naviny, jaki słužyć u 79 aeramabilnaj bryhadzie, paviedamiŭ u sieradu viečaram u svaim fejsbuku.
«Bajavy orden Bahdana Chmialnickaha… honar dla luboha bajca! My ŭsie spali 23 hady, u nas nie było nijakich kaštoŭnaściaŭ, u tym liku i ŭ armiejskaj pracy, miedalki i h.d. Ale zaraz pračnulisia, i ŭznaharoda ad svajoj krainy, ad Ukrainy — nie prosta kavałak žaleza», — napisaŭ «Maršał».
Rasiejskija bajeviki šturmavali aeraport Daniecka ź siaredziny vieraśnia, i užo niekalki razoŭ zajaŭlali pra jahony zachop, adnak hetaja infarmacyja kožny raz akazvałasia niesapraŭdnaj. Zručnyja abarončyja pazicyi, dobry bajavy duch i jakasnaja padtrymka z boku artyleryi kožny raz dazvalali ŭkraincam adkidać praciŭnika.
«Na dadzienym etapie ŭsie maje drapiežniki za vykanańnie zadačy ŭ porcie i rajonie na praciahu troch miesiacaŭ uznaharodžanyja bajavymi ŭznaharodami! Ja rady hetamu!» — dadaje «Maršał».
Ukrainski orden Bahdana Chmialnickaha byŭ zasnavany ŭ 2004 hodzie i pryznačajecca dla tych, chto maje asobyja zasłuhi ŭ abaronie dziaržaŭnaha suverenitetu, terytaryjalnaj cełasnaści, umacavańnia abaronazdolnaści i biaśpieki Ukrainy.
Post «Maršała» užo sabraŭ bolš za 3000 łajkaŭ i šmatlikija vinšavańni.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary