U minuły čaćvier raźmieščanaje ŭ Niderłandach mižnarodnaje pradstaŭnictva Mexx abviaściła ab svaim bankructvie, matyvujučy heta niestabilnaj ekanamičnaj situacyjaj, a taksama źnižeńniem pakupnickaj zdolnaści na klučavych rynkach.
Niahledziačy na bankructva, kramy pakul zastanucca adkrytymi, kab raspradać najaŭnyja zapasy adzieńnia, paviedamlali miascovyja ŚMI. Pry hetym adznačałasia, što źniešni kiraŭnik, pryznačany sudom, šukaje mahčymaści, kab pierazapuścić sietku.
Kali biźnies pierazapuścić nie atrymajecca, roźničnyja kramy brenda buduć zakryty.
Na biełaruskim rynku nastupstvy bankructva pakul nie adčuvajucca. Jak paviedamili ŭ bucikach MEXX, što znachodziacca ŭ minskich handlovych centrach «Stalica» i «Lusterka», praca praciahniecca ŭ štatnym režymie. Abjavaŭ pra budučyniu abjektaŭ handlu pakul administracyja nie rabiła.
U Breście naohuł litaralna na dniach na vulicy Dziaržynskaha adkryli novy bucik kampanii.
Kampanija Mexx była zasnavana ŭ Niderłandach ŭ 1986 hodzie emihrantam ź Indyi Ratanam Čadcham. Paźniej jon pradaŭ biźnies amierykanskaj firmie Liz Claiborne. U 2011 hodzie kampanija Gores Group nabyła 82 pracentaŭ akcyj kampanii za 85 młn jeŭra.
Pradukcyja Mexx pradstaŭlena ŭ 50 krainach pa ŭsim śviecie. U ciapierašni čas u kampanii pracujuć kala 1,5 tys supracoŭnikaŭ, 500 ź ich — u Niderłandach.
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki33
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1818
Kamientary