U 2015 hodzie prahnazujecca nulavy pryrost zołatavalutnych reziervaŭ Biełarusi. Adpaviedny prahnoz zamacavany ŭ prajekcie Asnoŭnych kirunkaŭ hrašova-kredytnaj palityki na nastupny hod, jaki padrychtavaŭ Nacyjanalny bank.
U nastupnym hodzie, jak ličyć rehulatar, važnaj zadačaj budzie źjaŭlacca padtrymańnie reziervaŭ na tym uzroŭni, jaki skłaŭsia da pačatku 2015 hoda.
«Važnaj ahulnadziaržaŭnaj zadačaj u 2015 hodzie zastaniecca padtrymańnie ŭzroŭniu zołatavalutnych reziervaŭ va ŭmovach značnych źniešnich i ŭnutranych vypłat», — havorycca ŭ prajekcie Asnoŭnych kirunkaŭ, z tekstam jakoha aznajomiŭsia BiełaPAN.
Pry hetym u Nacbanku ŭdakładniajuć, što ŭzrovień reziervaŭ budzie vyznačacca «pieravažna stanam źniešniaha handlu, abjomami pryciahnieńnia pramych zamiežnych inviestycyj i refinansavańnia dziaržavaj abaviazacielstvaŭ u zamiežnaj valucie».
Na 2014 hod Nacyjanalny bank u Asnoŭnych kirunkach hrašova-kredytnaj palityki zakładvaŭ pavieličeńnie reziervaŭ na 200—500 młn. dołaraŭ. Pa stanie na 1 kastryčnika zołatavalutnyja reziervy Biełarusi składali 6 młrd. 4,6 młn. dołaraŭ i źnizilisia z pačatku hoda na 646,3 młn. dołaraŭ.
Razam z tym padtrymańniu ŭzroŭniu zołatavalutnych reziervaŭ Biełarusi sadziejničali ŭ 2014 hodzie źniešnija i ŭnutranyja pazyčańni. Pavodle źviestak Ministerstva finansaŭ, za studzień—žnivień Biełaruś pryciahnuła źniešnija dziaržaŭnyja pazyki na sumu 3 młrd. 50,2 młn. dołaraŭ, unutrany dziarždoŭh pavialičyŭsia za pieršyja vosiem miesiacaŭ hetaha hoda na 5,1 trłn. rubloŭ.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary