«Pahladzicie, jak ścipła my žyviom». Žonka eks-dyrektara «Barysaŭdreva» raspaviała ab jaho zatrymańni i vizicie «važnych dziadźkaŭ»

Žonka eks-dyrektara sumna viadomaha zavoda «Barysaŭdreŭ» Alena Malcava ŭ apošni čas časta ŭzhadvaje słovy svajho muža hadavoj daŭniny: «Paciarpi, rodnaja, skončycca madernizacyja — i stanie lahčej». Madernizacyju zaviaršajuć bieź jaho, a lahčej nie stanovicca. Uładzimir Malcaŭ znachodzicca ŭ SIZA na Vaładarskaha, dzieci hłyboka ŭzrušanyja, a sama Alena zaniataja pošukam hrošaj dla apłaty pasłuh advakata. TUT.BY pabyvaŭ doma ŭ siamji Malcava i daviedaŭsia pra novyja padrabiaznaści ab zatrymańni maładoha dyrektara, ab aryšcie majomaści i nastrojach ŭ zale suda.

Hod tamu pajezdka Łukašenki na drevaapracoŭčaje pradpryjemstva «Barysaŭdreŭ» zaviaršyłasia hučnymi adstaŭkami. Prezident byŭ vielmi niezadavoleny tym, jak na zavodzie prasoŭvajecca madernizacyja, i zapatrabavaŭ zavieści kryminalnuju spravu pa faktach biezhaspadarčaści. Žurnalisty TUT.BY adrazu ž vyjechali ŭ Barysaŭ, prajšli pa śladach Łukašenki i byli vielmi ździŭlenyja tym, jak za dyrektara zavoda Uładzimira Malcava zastupalisia nie tolki nabližanyja, ale i prostyja rabotniki. «Mnie padabajecca, jak jon pracuje. Jon tut dniami i načami», — kazali tady pra maładoha dyrektara.

Adnak prychilnaść supracoŭnikaŭ pradpryjemstva nie vyratavała Uładzimira Malcava ad kryminalnaha pieraśledu. 11 sakavika jon byŭ uziaty pad vartu. U dačynieńni da hiendyrektara AAT «Barysaŭdreŭ» była zaviedzienaja kryminalnaja sprava pa č. 3 art. 424 KK Biełarusi (Złoŭžyvańnie ŭładaj abo słužbovymi paŭnamoctvami) u suviazi z pryčynieńniem ciažkich nastupstvaŭ dziaržaŭnym intaresam u chodzie vykanańnia mierapryjemstvaŭ pa madernizacyi, jakaja pravodzicca na pradpryjemstvie.

Pavodle słoŭ dziaržabvinavaŭcy, dziejańni Malcava nanieśli pradpryjemstvu škodu ŭ sumie 18 młrd rubloŭ. Akramia taho, była naniesienaja škoda dziaržaŭnym intaresam u vyhladzie nievykanańnie terminu dziaržprahramy madernizacyi «Barysaŭdreŭ» i, jak śledstva, zryvu vypusku novaj pradukcyi, stvareńnia novych pracoŭnych miescaŭ, pavieličeńnia ŭzroŭniu rentabielnaści i tempaŭ rostu abjomu vytvorčaści, pavieličeńnia zarobkaŭ rabotnikaŭ «Barysaŭdreŭ». Uładzimiru Malcavu pahražaje ad 3 da 10 hadoŭ pazbaŭleńnia voli.

Pabudavaŭ dom i ŭsio jašče nie vyhadavaŭ syna

Alena Malcava pahadziłasia na intervju bieź lišnich pytańniaŭ: «Pryjazdžajcie, pahladzicie, jak ścipła my žyviom». Užo ŭ Barysavie pa patrebnym adrasie my ŭbačyli 2-paviarchovy katedž, ababity sajdynham. Jak paźniej nam patłumačyła haspadynia, hety dom jaje muž sprajektavaŭ i pabudavaŭ praktyčna svaimi rukami. Sam zrabiŭ zrub, sam jaho siudy pryvioz, sam skłaŭ zvodna-kaštarysny raźlik — pamočnikaŭ zaprašali tolki ŭ vyklučnych vypadkach. Zajechała ŭ hety dom siamja zadoŭha da historyi z «Barysaŭdrevam», a da hetaha 7 hadoŭ žyli ŭ internacie.

Pavialičyć

Na ŭčastku kala doma niama akuratna padstryžanaha hazona i žyvych aharodžaŭ z tuj. Budka dla sabaki, łaźnia, altanka, hradki z kłubnicami i kasaboki płot — łandšaftnych dyzajnieraŭ siudy nie zaprašali. «Vuń chleŭčyk dla kuračak pačynaŭ rabić, ale nie paśpieŭ».

Kala doma pryparkavanaja staraja Volvo. Haspadynia ŭdakładniaje, što ŭ siamji 2 mašyny, apošniaja Opel Zafira nabytaja častkova ŭ kredyt. Usia majomaść aryštavana i pieradadziena Alenie Malcavaj na zachavańnie.

«Intaresy kampanii staviŭ vyšej za intaresy siamji»

U haścinaj sustrakajem starejšuju dačku Malcava 13-hadovuju Taćcianu — jana vučycca ŭ 8-m kłasie i vyhladaje kopijaj baćki. 5-hadovy Mirasłaŭ na momant našaha vizitu byŭ u dziciačym sadku. Pa słovach Aleny, kali małodšamu synu jašče možna rastłumačyć adsutnaść taty «pracaj», to dačka ŭžo ŭsio razumieje. U škole jaje niaredka pytajucca pra toje, ci praŭda, što baćka znachodzicca ŭ turmie. Taćciana starajecca ŭ hety momant adrazu ž pieravieści temu — heta asabistaje.

Pavialičyć

Na apošnim spatkańni z dačkoj Malcaŭ niečakana pachvaliŭ jaje za adznaki, a raniej zaŭsiody krytykavaŭ. Alena tłumačyć heta pieraacenkaj kaštoŭnaściaŭ: «Zrazumieŭ, što ŭ jaho žyćci hałoŭnaje — heta siamja». Naohuł spatkańni z svajakami padčas rasśledavańnia spravy dapuskajucca redka, ale Malcavym pajšli nasustrač.

— Muž zaraz adčuvaje siabie dobra i nastrojeny rašuča. U kancy vieraśnia jon pieranios apieracyju pa vydaleńni puchliny (dabrajakasnaj. — TUT.BY). Naohuł hryža chrybietnika turbavała jaho daŭno, ale praz pracu jon nie źviartaŭ na jaje ŭvahi. Jamu kałoli leki, i tolki paśla hetaha jon moh ustać. Ustavaŭ — i išoŭ na pracu. Jon u nas pracaholik u pramym sensie słova. Intaresy kampanii staviŭ vyšej za svaje ŭłasnyja i navat vyšej za intaresy siamji.

Pavialičyć

Uładzimir Malcaŭ z prostaj siamji: baćka — traktaryst, maci — fielčar u paliklinicy. Paznajomilisia Malcavy ŭ Barysaŭskim kaledžy: jon pracavaŭ zahadčykam łabaratoryi i vykładaŭ, a jana pryjšła na praktyku. «Ja kali jaho ŭbačyła, adrazu zrazumieła, što jon budzie maim mužam, navat pryjšła dadomu i mamie pra heta skazała». Adrazu paśla viasiella Uładzimir pajšoŭ z kaledža ŭ vytvorčaść. Pracavaŭ kanstruktaram na zavodzie «Aŭtahidraŭzmacnialnik», potym jaho zaprasili na pasadu hałoŭnaha inžyniera na «Humatechnika».

— Ja jak ciapier pamiataju, jon na kuchni staić i my ź im vyrašajem hetaje pytańnie. Dumaju, tady i treba było jaho spynić. Potym užo nierealna heta było zrabić… Prosta kali my tolki pierajechali ŭ hety dom, tut praktyčna ničoha nie było, hołyja ścieny. Jon tudy pajšoŭ prosta tamu, što zarobak prapanavali bolšy. Karjeryzm jamu nie ŭłaścivy byŭ nikoli.

Pavialičyć

Alena pakazvaje fatahrafii z ščaślivaha minułaha, kali va Uładzimira było bolš času na siamju. «Voś na hetym učastku les byŭ i stary dom, jon jaho łamaŭ. Dom budavali 4 hady. Jak bačycie, usio davoli ścipła zrabili, ale jakasna». Žyłaja płošča doma — 40 kv. m. Usiaho tut 4 žyłyja pakoi — abstaŭleny jany biez vynachodstvaŭ.

Iści ŭ dyrektary nie chacieŭ

Na «Barysaŭdreŭ» Uładzimir Malcaŭ pryjšoŭ na adnu z kirujučych pasad, potym staŭ hałoŭnym inžynieram, a krychu paźniej jaho «pastavili» — mienavita hetaje słova ŭžyvaje Alena — hienieralnym dyrektaram. Pavodle jaje słoŭ, u ich prosta nie było vybaru.

— Jon jašče nie chacieŭ hetaha, i ja nie chacieła. Mnie ciapier składana heta rastłumačyć. Čałavieka pastajanna niama doma, a kali prychodzić, jon nastolki stomleny, što na siamju ŭ jaho ŭžo nie zastajecca ni času, ni sił. Kab pajści kudyści ŭ hości ŭdvuch, vychodnyja niejak razam pravieści, kudyści na pryrodu vyjści, takoha nie było. Pryjazdžaŭ viečaram hadzin u 10-11, nie raniej. Jon kazaŭ: «Paciarpi, rodnaja, skončycca madernizacyja, i ŭsio budzie pa-inšamu, stanie lahčej». U nas byŭ vielmi składany etap, usia siamja žyła hetym.

Madernizacyja na «Barysaŭdreŭ» idzie ŭžo 8 hadoŭ, a Uładzimir Malcaŭ pravioŭ u statusie hienieralnaha dyrektara paŭtara hoda. Papiarednija kiraŭniki, u adroźnieńnie ad muža Aleny, ciapier na voli. Pa słovach Aleny, za čas, kali Malcaŭ byŭ hienieralnym dyrektaram, na zavodzie prajšło bolš za 40 roznych pravierak — nijakich parušeńniaŭ vyjaŭlena nie było.

— Jamu dali zadańnie, jon jaho vykonvaŭ, muž byŭ daloki ad tonkaściaŭ hetaj spravy. I naohuł ja b skazała, što jon patałahična sumlenny čałaviek. Nu vy ž bačycie, jak my žyviom. U mianie dva aharoda, na jakich ja sadžaju bulbu, buraki — usio jak u zvyčajnaj siamji. Jon viedaŭ, što chabaru nie biare, ludziej aharod mnie kapać nie zaprašaje, tamu nijakich strachaŭ u jaho nie było. Usio, što my kuplali na zavodzie, naprykład, došku dla altanki, pravodzili praz kramu, ja zachoŭvaju ŭsie kvitancyi.

Takoj reakcyi nichto nie čakaŭ

Pierad pryjezdam Łukašenki, śviedčyć žonka, eks-dyrektar «Barysaŭdreva» byŭ uschvalavany, ale nie bolš čym zvyčajna. Jon jašče nie čakaŭ takoj reakcyi ad prezidenta, bo, pa raźlikach Malcava, usio było vykanana ŭ termin. Alena daviedałasia ab vialikim «razbory palotaŭ» ź internetu — muž nie padymaŭ słuchaŭku. Pavodle jaje mierkavańnie, vina za sapsavanaje ŭražańnie ad pradpryjemstva lažyć całkam na budaŭnikach, praź jakich na placoŭcy byŭ brud.

Pavodle jaje słoŭ, u sudzie praktyčna ŭsie śviedčać suprać abvinavačańnia i padtrymlivajuć viersiju muža pra toje, što adbyvajecca, akramia adnaho čałavieka — Mikałaja Busałava. Jon udzielničaŭ u madernizacyi abjekta ŭ jakaści hienieralnaha dyrektara AAT «Budaŭničy trest № 21» Barysava. U listapadzie minułaha hoda Łukašenka zahadaŭ źniać jaho z zajmanaj pasady i raspačać u dačynieńni da jaho kryminalnuju spravu, ale ŭ vyniku abvinavačvańnie było źniataje. Zaraz Busałaŭ zajmaje pasadu namieśnika dyrektara taho ž trestu.

— Ja mahu vykazać zdahadku, što pryčyna vostraj niepryjaznaści hetaha čałavieka da majho muža kryjecca ŭ adnym epizodzie. U pracesie madernizacyi, kali byŭ aŭrał, budaŭniki pavinny byli pracavać na abjekcie kruhłyja sutki. Unačy adzin ź dziažurnych zavoda zaŭvažyŭ, što na terytoryi budoŭli pjanstvujuć, pryčym pjanstvavaŭ chtości z načalnikaŭ budaŭničaha trestu, nie prostyja rabočyja. Byŭ vyklikany narad milicyi, heta zafiksavana ŭ pratakole, juryst na zavodzie ab hetym raspaviadaŭ u sudzie. Zrazumiełaja sprava, kali heta ŭspłyło navierch, samoha Busałava pa hałoŭcy nie pahładzili. Na sudzie jon usialak sprabavaŭ ačarnić muža, pryčym pakazańni jaho byli vielmi niepaśladoŭnymi. A jaho namieśnik asprečvaje pakazańni Busałava.

«Pad bieły ručańki ŭziali, u čornuju mašynu pasadzili»

Paśla krytyki Łukašenki madernizavać «Barysaŭdreŭ» kinulisia usim śvietam. Alena raspaviadaje, što jaje muž navat radavaŭsia, što narešcie ŭsio zavarušyłasia, čynoŭniki adrazu paśpiašalisia na dapamohu. Da apošniaha momantu ŭ siamji nie mierkavali, što ŭsio moža skončycca sudom.

— 11 sakavika ja vyjšła z pracy, mianie pad bieły ručańki ŭziali, u čornuju mašynu pasadzili i pavieźli na pieratrus. My pryjechali da nas u dom z važnymi dziadziečkami, jany mnie pakazali pastanovu ab zatrymańni majho muža i pačali pravodzić aryšt majomaści, až da staroha vodanahravalnika, jaki stajaŭ u nas u kalidory i jaki ŭ suviazi z zaniataściu muž usio nijak nie paśpiavali vyvieźci na śmietnik. Naličyli 400 młn, ź ich kala 300 młn — heta mašyna, jakuju ŭziali ŭ kredyt, tamu takaja suma i atrymałasia.

U toj ža dzień, kali da žonki pryjechali apisvać majomaść, Uładzimira Malcava vyklikali ŭ Minsk. Tam ža i zatrymali. Alena ŭspaminaje, što jakraz napiaredadni jon zapuściŭ kacielniu, heta značyć jamu dali zavieršyć pačataje.

— Dziaržaŭny advakat patelefanavała mnie, napeŭna, hadzin u 8 i skazała, što raniej joj nie było kali, chatnija spravy, — Alena abryvajecca na paŭsłovie, joj ciažka ŭzhadvać toj dzień. — Viadoma ž, ja pačała šukać inšaha advakata. My ŭžo paŭhoda pracujem ź Dźmitryjem Haračkam, i ja vielmi zadavolenaja. Za hety čas jon zrazumieŭ, što z nas tut asabliva niama čaho ŭziać, sumy jon biare čysta simvaličnyja, ale dla mianie i heta davoli surjozna. Ja ŭžo ŭsich svajakoŭ, siabroŭ tuzaju.

Hrošy skončylisia, sudovyja słuchańni — nie

Padtrymku Alena adčuvaje z usich bakoŭ. U kaledžy joj staviać raskład zaniatkaŭ takim čynam, kab jana paśpiavała jeździć u Minsk na pasiadžeńni suda. Baćki ŭvieś čas prychodziać na vyručku ź dziećmi. A ŭ sacyjalnaj sietcy «Ukantakcie» siabry adkryli hrupu padtrymki Alenie Malcavaj. Materyjalnaje pytańnie jašče nikoli nie stajała ŭ siamji tak vostra. U kaledžy Alena zarablaje krychu bolš za 4 młn, a tolki na ŭtrymańnie muža ŭ SIZA (leki, pieradačy) marnujecca kala 3 młn u miesiac. Pa słovach surazmoŭcy, jana jašče nie pryciahvała da svajoj prablemy hramadskaść, ale zadumvajecca pra heta. U pieršuju čarhu, kab apłacić advakata.

— Kali jaho aryštavali, «pad šumok», ja nie viedaju, jak heta pa-inšamu nazvać, mianie abaviazali apłacić mnostva štrafaŭ za muža. Pryčym kali ja jamu raspaviadaju, za što ja płaču, jon tłumačyć mnie, što ŭsie dakumienty ŭ jaho pavinny być u paradku. Jon pradbačliva źbiraŭ usie kopii, ale Śledčy kamitet ich zabraŭ, tamu ja nie mahu pravieryć, za što ja płaču … Paśla taho, što zdaryłasia, ja navat płakać nie mahu. Kali płačaš, heta ŭžo idzie praces pasłableńnia. U našaj situacyi, aproč mianie, jamu dapamahčy niama kamu. Kali nie ja, to adbudziecca niešta strašnaje, jon prosta apuścić ruki, i ŭsio.

Padčas intervju nie pakidała adčuvańnie, što Alena nie moža raskazać usio, što viedaje. Jana jašče nie chavała hetaha i paprasiła pryjechać da jaje jašče raz paśla zakančeńnia suda: «Ja vam usio raskažu, jak jość». Surazmoŭnica abmoviłasia, što na jaje sprabavali vyjści niejkija «važnyja ludzi», jakija chacieli prymusić žančynu akazać cisk na muža, kab toj pryznaŭ svaju vinu.

Pa paradzie advakata Alena Malcava admoviłasia ad dačy pakazańniaŭ. Jana rehularna jeździć u sud, ale nie vytrymlivaje da kanca pasiadžeńniaŭ: «U mianie padymajecca cisk, choć da hetaha nikoli prablem sa zdaroŭjem nie było». Uładzimir Malcaŭ, naadvarot, zajmaje aktyŭnuju pazicyju na słuchańniach: zadaje pytańni śviedkam, daje tłumačeńni. Vinu jon nie pryznaje.

«Ehaistyčnyje parazitavańnie słužbovymi paŭnamoctvami»

Alena kaža, što jany z mužam vierać u biełaruskaje pravasudździe, i ŭ ich dla hetaha jość padstavy.

— Na sudzie adrazu vidać, chto kaža praŭdu, a chto — nie. Tyja, chto sprabuje ahavaryć majho muža, błytajucca ŭ pakazańniach, i ŭ ich ničoha nie atrymlivajecca. Asabliva nas z mužam ździviła abvinavačvańnie ŭ «ehaistyčnym parazitavańni słužbovym paŭnamoctvami» — heta poŭnaja biazhłuździca. Ja vieru ŭ toje, što znojduć sapraŭdnych vinavatych, kali jany isnujuć. Jany sprabavali znajści vinavataha, ale nie uličyli, nakolki sumlenny moj muž i nakolki dobra da jaho staviacca inšyja ludzi. Jašče jany dumali, napeŭna, što znojduć tut niejkaje zołata/bryljanty, ale nie znajšli.

Pavialičyć

Sudovaje śledstva pačałosia 23 vieraśnia i pa-raniejšamu znachodzicca na etapie dopytu śviedak.

• 0
• 0
• 0
• 0
• 0
• 0