Aktyvist moładzievaha kryła «Zmiena» kampanii «Havary praŭdu» Pavieł Vinahradaŭ 9 kastryčnika asudžany sudom Maskoŭskaha rajona Mienska na 15 sutak administracyjnaha aryštu.
Jak paviedamlaje pravaabarončy sajt spring96.org, Vinahradaŭ pryznany vinavatym u drobnym chulihanstvie: nibyta 8 kastryčnika, kali jon pryjšoŭ u RUUS adznačacca, brydkasłoviŭ u prysutnaści supracoŭnikaŭ milicyi.
Akramia taho, u hetym ža sudzie, ale na asobnym hramadzianskim pracesie vyrašajecca pytańnie ab praciahu previentyŭnaha nahladu nad Vinahradavym jašče na hod.
Vinahradaŭ nieadnarazova, u tym liku ŭ apošni čas, atrymlivaŭ administracyjnyja aryšty i štrafy.
2 kastryčnika aktyvist, za jakim ustanoŭleny previentyŭny nahlad, pajšoŭ adznačacca ŭ kryminalna-vykanaŭčaj inśpiekcyi Maskoŭskaha rajona i nie viarnuŭsia dadomu. Paźniej jaho žonka paviedamiła, što aktyvist zatrymany za administracyjnaje pravaparušeńnie.
Z RUUS Vinahradaŭ byŭ adpuščany 3 kastryčnika. U dačynieńni da jaho byŭ składzieny pratakoł pa art. 17.3 KaAP (raśpićcio ałkaholnych, słabaałkaholnych napojaŭ ci piva ŭ hramadskim miescy abo źjaŭleńnie ŭ hramadskim miescy ci na pracy ŭ stanie apjanieńnia) i nakładzieny štraf u vosiem bazavych vieličyń (1,2 młn rubloŭ).
12 vieraśnia Vinahradaŭ byŭ asudžany da 15 sutak aryštu i aštrafavany na 1 młn 950 tys. rubloŭ za toje, što jon nibyta łajaŭsia matam i raśpivaŭ śpirtnyja napoi.
26-hadovy Pavieł Vinahradaŭ — adzin ź fihurantaŭ kryminalnaj spravy ab masavych biesparadkach u Minsku 19 śniežnia 2010 hoda, byŭ asudžany na čatyry hady kałonii ŭzmocnienaha režymu, vyzvaleny na padstavie ŭkaza Alaksandra Łukašenki ab pamiłavańni. Jak minimum da 25 kastryčnika budzie znachodzicca pad previentyŭnym nahladam.
Minčanka pakinuła stanoŭčy vodhuk na sumku — i raptam vykryła zdradu čužoha muža20
Kamientary