U Breście za niezakonnaje pieramiaščeńnie praź miažu asabliva niebiaśpiečnych psichatropnych rečyvaŭ i ich niezakonnaje zachoŭvańnie asudžany 33-hadovy niepracujučy žychar Murmanskaj vobłaści Rasii.
Jak paviedamiŭ staršy prakuror adździeła prakuratury Bresckaj vobłaści Hienadź Bury, 15 maja hramadzianin Rasii, jaki ruchaŭsia praz punkt propusku «Brest-Centralny» ŭ ciahniku Praha - Sankt-Pieciarburh, sprabavaŭ pieramiaścić praź miažu nabytyja im u Čechii 7,15 hrama rečyva, jakoje źmiaščaje mietamfietamin. Kantrabandyst schavaŭ jaho ŭ prybiralni vahona, prymacavaŭšy skotčam da ŭnutranaj abšyŭki ŭnitaza.
U punkcie propusku narkotyk byŭ znojdzieny i kanfiskavany. Žychara Murmanskaj vobłaści zatrymali. U dačynieńni da jaho raspačali kryminalnuju spravu. Paśla rasiejec byŭ uziaty pad vartu.
22 žniŭnia sud Leninskaha rajona Bresta pryznaŭ jaho vinavatym pa č. 3 art. 228 i č. 1 art. 328 KK i prysudziŭ da piaci hadoŭ pazbaŭleńnia voli ŭ kałonii ŭzmocnienaha režymu. U dačynieńni da rasijanina była prymieniena art. 7 zakona «Ab amnistyi ŭ suviazi z 70-hodździem vyzvaleńnia Biełarusi ad niamiecka-fašysckich zachopnikaŭ» i termin pakarańnia ŭ vyhladzie pazbaŭleńnia voli ŭ kałonii ŭzmocnienaha režymu skaročany na hod.
Mužčyna abskardziŭ prysud i prasiŭ pryznačyć jamu pakarańnie ŭ vyhladzie štrafu. 7 kastryčnika sudovaja kalehija pa kryminalnych spravach Bresckaha abłasnoha suda pakinuła skarhu biez zadavalnieńnia, prysud rajonnaha suda — bieź źmieny. Jon ustupiŭ u zakonnuju siłu.
Łukašenka ŭpieršyniu źjaviŭsia na publicy razam z mamaj Koli26
Kamientary