Navukoŭcy znajšli raślinu, jakaja lečyć rakavyja puchliny za 2 tydni
Preparat, vyrableny z redkaj aŭstralijskaj raśliny, źniščyŭ da 70% rakavych puchlin za dva tydni dośledaŭ na myšach.
Leki pad kodavaj nazvaj EBC-46 atrymlivajuć z kostačak jahad Hylandia dockrillii (siamiejstva małačajevych), jakoje raście tolki ŭ trapičnych lasach na poŭnačy štata Kvinślend.
Navukoŭcy zrabili injekcyju preparata niepasredna ŭ puchliny na skury myšej, a taksama ŭ puchliny na šyi, hałavie i ŭ kišečniku 300 chatnich žyvioł (sabak, katoŭ i koniej). Praź piać chvilin učastak vakoł miełanomy nalivaŭsia fijaletavym koleram, padobna siniaku, praz sutki čarnieŭ, jašče praz dva dni źjaŭlaŭsia strup, i, narešcie, praz dva tydni skarynačka adychodziła, i pad joj vyjaŭlałasia čystaja skura bieź jakich-niebudź śladoŭ raku.
Na dumku daśledčykaŭ, preparat zapuskaje kletkavuju reakcyju, što pierakryvaje krovazabieśpiačeńnie puchliny. Potym arhanizm pačynaje ŭsprymać miełanomu jak zvyčajny siniak (hiematomu), aktyvizujucca nieabchodnyja imunnyja reakcyi, i vobłaść puchliny «začyščajecca», raspavioŭ viadučy aŭtar daśledavańnia Hlen Bojł. Adnak EBC-46 bieskarysny suprać rakavych kletak, jakija raspaŭsiudžvajucca na inšyja orhany (pry mietastazach).
Na dumku Bojła, novy preparat naŭrad ci całkam zamienić chimijaterapiju, ale ŭ vypadku paśpiachovych vyprabavańniaŭ na ludziach (dazvoł na praviadzieńnie takich testaŭ ŭžo atrymany) jaho možna budzie rekamiendavać pacyjentam, jakim hetaja miedycynskaja pracedura supraćpakazanaja.
Kampanija-raspracoŭščyk lekaŭ ciapier razhladaje pytańnie ab stvareńni płantacyi Hylandia dockrillii.
Kamientary