Nacyjanalny centr sučasnaha mastactva budzie stvorany ŭ Biełarusi ŭ nastupnym hodzie, paviedamiła na pres-kanfierencyi 8 kastryčnika ŭ Minsku pieršy namieśnik ministra kultury Iryna Dryha.
Pavodle jaje słoŭ, hetaja arhanizacyja budzie ŭtvorana šlacham źlićcia isnaha Centra sučasnych mastactvaŭ, jaki raźmiaščajecca na vulicy Niakrasava, i staličnaha Muzieja sučasnaha vyjaŭlenčaha mastactva. Centr stanie anałaham «art-depo, jakija siońnia isnujuć u Rasii i Jeŭropie». «Zadačaj centra budzie padtrymka i raźvićcio aktualnych kirunkaŭ sučasnaha mastactva», — skazała čynoŭnica. Jana padkreśliła, što z dapamohaj centra zadumana «abjadnać maładych i stałych mastakoŭ, jakija zajmajucca sučasnym mastactvam».
«Takim čynam, u nacyjanalnaha centra buduć dźvie placoŭki, — adznačyła Dryha. — U Muziei sučasnaha vyjaŭlenčaha mastactva vielmi dobraja vystavačnaja placoŭka — heta centr horada, tam vykarystoŭvajecca nie tolki muziejnaja prastora, ale i płošča Jakuba Kołasa, dzie prachodziać vuličnyja prajekty. A na placoŭcy Centra sučasnaha mastactva buduć prachodzić tvorčyja, aśvietnyja prajekty, majstar-kłasy, a taksama inšyja prajekty, źviazanyja nie tolki z vyjaŭlenčym mastactvam».
Nacyjanalny centr sučasnaha mastactva ŭznačalić dyrektar Muzieja sučasnaha vyjaŭlenčaha mastactva Natalla Šaranhovič. Zaraz jana padbiraje kalektyŭ śpiecyjalistaŭ, jaki budzie pracavać u hetym centry. «U Natalli Vasiljeŭny šmat płanaŭ, hałoŭnaje, kab u jaje chapiła sił ich usie realizavać», — padsumavała Dryha.
Pašpart Novaj Biełarusi pačnuć vydavać z 26 studzienia. Što viadoma i jak atrymać?4
Kamientary