Ułada88

Estonija nabyvaje 44 šviedskija bajavyja mašyny piachoty

Estonskaja armija nabudzie 44 bajavyja mašyny piachoty CV9035NL u Niderłandaŭ, paviedamili ministerstvy abarony abiedźviuch krain. Mahčymaja cana kantraktu nie abviaščajecca.

Bajavaja mašyna piachoty CV90

CV90 u roznych madyfikacyjach stajać na ŭzbrajeńni Šviecyi, Danii, Finlandyi, Niderłandaŭ, Narviehii i Šviejcaryi.

Siaredni košt novaj mašyny, zhodna z kantraktami, jakija zaklučali hetyja krainy — ad 2,9 da 4,5 młn jeŭra.

Narviežski CV90 u Afhanistanie

Mašyny vytvorčaści šviedskaha filijału karparacyi BAE Systems (aryhinalnaja nazva — Stridsfordon 90) raspracavanyja ŭ 1980-1990-ch hadach, uzbrojenyja aŭtamatyčnymi harmatami kalibru 40, 35 ci 30 mm i kulamiotam kalibru 7,62 mm. Taksama na technicy staić 76-mm hranatamiotny kompleks. Kožnaja mašyna moža nieści 6-8 piechacincaŭ-desantnikaŭ.

BMP CV90 majuć dobruju braniu, jakaja abaraniaje ad braniabojnych kulaŭ kalibru 14,5 mm i moža być dadatkova ŭzmocnienaja kambinavanaj modulnaj branioj i supraćkumulatyŭnymi ekranami.

Maksimalnaja chutkaść mašyn — 70 km/h, pryčym jany značna mieńš vydajuć siabie hukam pracujučaha ruchavika i miechanizmaŭ, čym technika savieckaj vytvorčaści.

Estonskaje ministerstva abarony paviedamiła, čto nabyćcio novaj techniki maje za metu ŭzmacnić miechanizavanyja vojski krainy i pavialičvaje jaje zdolnaść da samastojnaj abarony.

Taksama novaja technika dazvolić pravodzić vučeńni z anałahičnymi adździełami sajuźnikaŭ Estonii. Tak, naprykład, u hetym miesiacy dla sumiesnych trenirovak u Estoniju prybyvajuć tanki i inšaja braniatechnika 8 kavaleryjskaha pałku armii ZŠA.

Pa mierkavańni ekśpiertaŭ infarmacyjnaha i analityčnaha ahienctva IHS Jane's, jakoje śpiecyjalizujecca na abaronnaj palitycy, estonskija vajskoŭcy abmiarkoŭvajuć mahčymaść nabyć i asnoŭnyja bajavyja tanki.

Heta nie pieršaja damova pa nabyćci estoncami novaj techniki z zapasaŭ hałandskaj armii. U 2010 hodzie Talin atrymaŭ 80 branietransparcioraŭ 80 Patria Pasi XA-188.

Pieršyja CV90 mohuć być pastaŭlenyja ŭ Estoniju ŭ lutym.

Kamientary8

Nazirajecca maštabny zboj elektroniki pa ŭsim śviecie. Aeraporty admianiajuć paloty5

Nazirajecca maštabny zboj elektroniki pa ŭsim śviecie. Aeraporty admianiajuć paloty

Usie naviny →
Usie naviny

Sinoptyki sprahnazavali, čaho ad nadvorja čakać zaŭtra

«Mianie kupili za $680». Biełarusy raskazali, jak trapili ŭ rabstva ŭ Rasii5

U BDU nazvali śpiecyjalnaści z samym vialikim konkursam — 19 čałaviek na miesca2

Pieciarburhski muziej abvinavacili ŭ prapahandzie nacyzmu za łozunh «Žyvie Biełaruś» na karcinie11

Na Śvisłačy ŭ parku Horkaha repiecirujuć vodnuju fiejeryju — VIDEA dnia3

Sinoptyki prahnazujuć, što navalnicy buduć u Minsku da kanca dnia2

Biełaruskaja prapahanda stvaryła tabłoid «Piatnica». Jaki vychodzić u sieradu9

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

bolš čytanych navin
bolš łajkanych navin

Nazirajecca maštabny zboj elektroniki pa ŭsim śviecie. Aeraporty admianiajuć paloty5

Nazirajecca maštabny zboj elektroniki pa ŭsim śviecie. Aeraporty admianiajuć paloty

Hałoŭnaje
Usie naviny →